Double Click 970 x 250

اتنی تو زندگی نہیں جتنا شہباز شریف نے پیسہ بنایا، شہباز گل


شبین رضاویب ایڈیٹر

18th April, 2021
Adsense 300×600
شہباز گل
Double Click 300 x 250

پی ٹی آئی رہنما شہباز گل کا کہنا ہے کہ اتنی تو زندگی بھی نہیں جتنا شہباز شریف نے پیسہ بنایا ہے۔

تفصیلات کے مطابق وزیراعظم کے معاون خصوصی برائے سیاسی روابط شہباز گل نے پریس کانفرنس کرتے ہوئے کہا کہ ہم سب عدالتی فیصلوں کا احترام کرتے ہیں اورعدالتی فیصلوں پر کسی بھی طرح سے اثرانداز ہونے کی جسارت نہیں کر سکتے۔

انہوں نے کہا کہ مریم اورنگزیب نے عدالتی فیصلے پر تشویش کا اظہار کیا ہے اور ان لوگوں نے پہلے خود عدالتی فیصلے سے متعلق جھوٹ بولا جبکہ مسلم لیگ ن کے تمام رہنماؤں کو پتا ہے کہ نائب قاصد نے یہ فیصلہ سنایا ہے۔

شہباز گل نے کہا کہ شہباز شریف کی ضمانت پر لاہور ہائی کورٹ کے 2 ججز کے فیصلے عوام کے سامنے ہیں اور شہباز شریف کو ضمانت نہ ملنے پر اب یہ لوگ رو رہے ہیں۔

انہوں نے کہا کہ 1990 میں شہباز شریف فیملی کے پاس صرف 21 لاکھ روپے تھے لیکن 1998 میں ان کے اثاثے بڑھ کر ڈیڑھ کروڑ روپے ہو گئے۔ 7 ہزار 328 ملین روپے شہباز شریف نے 10 سالوں میں بنائے۔

معاون خصوصی برائے سیاسی روابط نے کہا کہ سال 2008 سے 2018 تک ان کے اثاثے بڑھ کر 73 ہزار 280 لاکھ روپےہو گئے جبکہ شہباز شریف نے ایم بی بی ایس کی ڈگری بطور وزیر اعلیٰ حاصل کی۔

انہوں نے کہا کہ اتنی تو زندگی نہیں جتنا شہباز شریف نے پیسہ بنایا ہے۔ ٹی ٹی ابا جی کے نہیں بلکہ بیٹے کے اکاؤنٹ میں آتی تھی جبکہ اس میں نصرت شہباز اور رابعہ عمران کا بھی نام آیا۔

شہباز گل نے کہا کہ افسوس ہوتا ہے یہ لوگ خواتین کو بھی کرائم کے لیے استعمال کرتے ہیں۔ شہباز شریف سب سے زیادہ منافع کمانا جانتے ہیں۔

 

Double Click 970 x 90