گلستان جوہر میں زہریلی چیز کھانے سے 3 بچے جاں بحق ہو گئے ہیں جبکہ خاتون کی حالت تشویش ناک ہے۔
تفصیلات کے مطابق پولیس حکام نے کہا کہ واقعہ کی تاحال تفتیش جاری ہے ، جاں بحق بچوں میں دو بچے اور ایک کمسن بچی شامل ہے۔
پولیس کا کہنا تھا کہ خاتون نورین کو دو بچوں اور ایک بچی سمیت زہرخورنی کے باعث سہ پہر ایک بجے پٹیل اسپتال لایا گیا تھا۔
پٹیل اسپتال کے ترجمان نے کہا کہ تینوں بچوں کو مردہ حالت میں ہی اسپتال لایا گیا جبکہ بچوں کی عمر 4 سال سے 7 سال کے درمیان ہے۔
متاثرہ خاتون اور بچے گلستان جوہر بلاک 19 کے رہائشی ہیں۔
پولیس حکام کا کہنا تھا کہ گھر میں جراثیم کش اسپرے ہوا تھا پولیس ٹیم گھر گئی ہے، کچھ دیر میں معاملہ واضح ہوجائے گا جبکہ بچوں کی لاشوں کو ایدھی سرد خانے منتقل کر دیا گیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News