ترجمان دفتر خارجہ زاہد حفیظ چوہدری نے کہا ہے کہ پاکستان نے بھارت کو کوویڈ ریلیف سپورٹ کی پیشکش کی ہے۔
تفصیلات کے مطابق ترجمان دفتر خارجہ زاہد حفیظ چوہدری نے اپنے بیان میں کہا کہ موجودہ کورونا صورتحال میں بھارتی عوام کے ساتھ اظہار یکجہتی کے طور پر پاکستان نے بھارت کو کورونا کے خلاف امداد کی پیشکش کی ہے۔
زاہد حفیظ چوہدری نے کہا کہ اس کورونا کُش امدادی سامان میں وینٹی لیٹرز, بائی پاپ, ڈیجیٹل ایکسرے مشینز اور محفوظ احتیاطی سامان کی پیشکش کی گئی ہے۔
ترجمان دفتر خارجہ کا کہنا تھا کہ پاکستان اور بھارت کے متعلقہ حکام اس امدادی سامان کی جلد از جلد ترسیل کے لئے معاملات کو حتمی شکل دے سکتے ہیں۔
ترجمان دفتر خارجہ زاہد حفیظ چوہدری نے مزید کہا کہ اس کورونا وباء کے درپیش چیلنجز کے خاتمے کے لئے مزید تعاون میں ممکنہ اقدامات کا جائزہ لیا جا سکتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News