برطانوی ولی عہد شہزادہ چارلس کی اہلیہ کمیلا پارکر نے لندن میں مسجد کا دورہ کیا ہے۔
بین الاقوامی ذرائع ابلاغ کے مطابق ڈچز آف کارنیوال کمیلا پارکر سر پر اسکارف پہنے آئیں اور جوتے اتار کر مخصوص سلیپرز پہن کر مسجد میں داخل ہوئیں۔
انہوں نے مسجد میں قائم کورونا ویکسی نیشن سینٹر کا دورہ کیا اور لندن اسلامک کلچرل سوسائٹی بھی گئی۔
کمیلا پارکر نے ویکسینیشن سینٹر کے دورے کے دوران عملے سے ویکسینیشن کے عمل کے بارے میں سوالات کیے اور ویکسین لگوانے والوں سے بھی بات چیت کی۔
کمیلا پارکر نے پناہ گزین بچوں کے لیے کھانے کے پیکٹس کی تیاری میں بھی حصہ لیا۔
کمیلا پارکر نے مہمانوں کی کتاب میں اپنے تاثرات درج کیے اور دورے کی مناسبت سے لگائی گئی تختی کی نقاب کشائی بھی کی۔
ڈچز آف کارنیوال کمیلا پارکر مسجد اور لندن اسلامک کلچرل سوسائٹی کے دورے کے دوران چہرے پر مسلسل ماسک پہنے رہی۔
