اسپیکر قومی اسمبلی اسد قیصر نے سابق آئی جی خیبرپختونخواہ ناصر درانی کے انتقال پر گہرے دکھ اور افسوس کا اظہار کیا ہے۔
تفصیلات کے مطابق اسپیکر قومی اسمبلی اسد قیصر نے ناصر درانی کے انتقال پر گہرے دکھ کا اظہار کرتے ہوئے کہا کہ غم کی اس مشکل مرحوم کے اہلخانہ کے غم میں برابر کا شریک ہوں، غمزدہ خاندان سے دلی تعزیت کرتا ہوں۔
اسپیکر قومی اسمبلی نے کہا کہ ناصر درانی کی وفات سوگوار خاندان کے لیے عظیم صدمہ اور ناقابل تلافی نقصان ہے جسے پورا نہیں کیا جا سکتا۔
اسد قیصر نے یہ بھی کہا کہ ناصر درانی کی پیشہ وارانہ خدمات قابل ستائش رہی ہیں، مرحوم کی ملک اور قوم کے لیے پیش کی جانے والی خدمات کو ہمیشہ یاد رکھا جائے گا۔
اس موقع پر اسپیکر قومی اسمبلی اسد قیصر نے اللہ تعالی سے مرحوم کے درجات کی بلندی اور غمزدہ خاندان کو اس عظیم صدمے اور ناقابل تلافی نقصان کو برداشت کرنے کے لیے صبر جمیل عطاء فرمانے کی دعا بھی کی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
