کورونا وائرس کی تشویشناک صورتحال کے پیش نظر پنجاب حکومت نے صوبے کے تمام سرکاری و نجی اسکولز بند کرنے کا نوٹیفکیشن جاری کردیا ہے۔
محکمہ تعلیم پنجاب کی جانب سے جاری نوٹیفکیشن میں کہا گیا ہے کہ صوبے بھر میں عید تک اسکولز بند رکھے جائیں گے۔
نوٹیفکیشن کے مطابق اسکولز بند کرنے کا فیصلہ کورونا کی تشویشناک صورتحال کے پیش نظر کیا گیا۔
واضح رہے اس سے قبل وفاقی وزیر تعلیم شفقت محمود نے نیشنل کمانڈ آپریشن سینٹر (این سی او سی) اجلاس کے بعد میڈیا سے گفتگو کرتے ہوئے کہا تھا کہ کورونا کی وجہ سے رواں سال کوئی امتحان نہیں ہوگا۔
شفقت محمود نے کہا تھا کہ 15 جون تک سارے امتحانات کینسل ہونگے تاہم حالات کا جائزہ لینے کے بعد مئی کے تیسرے ہفتے میں حتمی فیصلہ کیا جائے گا۔
وفاقی وزیر تعلیم شفقت محمود نے مزید کہا تھا کہ امتحانات جولائی اور اگست تک جا سکتے ہیں جبکہ او لیول کے امتحانات اکتوبر اور نومبر میں ہونگے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News