وزیراعظم کے معاون خصوصی برائے صحت ڈاکٹر فیصل سلطان نے کہا ہے کہ تیسری لہر بہت خطرناک ہے احتیاط کرنی ہوگی۔
تفصیلات کے مطابق وزیراعظم کے معاون خصوصی برائے صحت ڈاکٹر فیصل سلطان نے اپنے ایک بیان میں کہا کہ کوشش ہے اضافی اقدامات سے بہتری آئے۔
ڈاکٹرفیصل نے کہا کہ زیادہ شرح والےعلاقوں میں لاک ڈاؤن کی تیاری کر رہے ہیں ،کیا چیز بند رہے گی اور کیا کھلی رہے گی خاکہ تیار ہو چکا ہے۔
انہوں نے کہا کہ لاک ڈاؤن کا دورانیہ کم سے کم 10 دن یا زیادہ سے زیادہ 2 ہفتے ہو سکتا ہے۔
ڈاکٹرفیصل نے یہ بھی کہا کہ کورونا کی پہلی 2 لہروں کے دوران کراچی میں کیسزکی شرح زیادہ تھی۔
ڈاکٹرفیصل کا کہنا تھا کہ این سی او سی کے فیصلوں کا جائزہ 4 روز بعد لیا جائے گا۔
انہوں نے کہا کہ صورتحال دیکھنے کے بعد ہی مزید سختیاں ہو سکتی ہیں، کورونا کی موجودہ لہر کو سنجیدہ لینا چاہئیے۔
وزیراعظم کے معاون خصوصی برائے صحت ڈاکٹر فیصل سلطان کا مزید کہنا تھا کہ اگر ایس او پیز پر عملدر آمد نہیں ہوا تو لاک ڈاؤن لگایا جائے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News