کراچی کے قومی اسمبلی کے حلقے این اے 249 میں آج ہونے والے ضمنی انتخاب کے سلسلے میں پولنگ جاری ہے۔

این اے 249 کے ضمنی انتخاب کے سلسلے میں پورے حلقے میں صبح سے ہی گہما گہمی نظر آ رہی ہے۔

ذرائع کے مطابق مختلف پولنگ اسٹیشنوں پربعض ووٹرزکو ماسک اور شناختی کارڈ نہ ہونے پر   واپس بھیج دیا گیا۔

مذکورہ حلقے میں پولنگ کا عمل آج صبح 8 بجے شروع ہوا ، جو شام 5 بجے تک جاری رہے گا۔

ذرائع کے مطابق حلقے کے تمام پولنگ اسٹیشنز کے باہر سیکیورٹی کے سخت انتظامات کیے گئے ہیں۔

تحریک انصاف، مسلم لیگ ن، پیپلز پارٹی، ایم کیوایم اور پی ایس پی کے درمیان سخت مقابلے کا امکان ہے۔

واضح رہےکہ ضمنی الیکشن کے باعث حلقے میں عام تعطیل ہے۔