پاکستان کے معروف ٹک ٹاکر ذوالقرنین سکندر بڑا اعزاز اپنے نام کرنے میں کامیاب ہوگئے ہیں۔

پاکستان کے شہر لاہور سے تعلق رکھنے والے اسٹار ذوالقرنین سکندر کے  ٹک ٹاک پر فالوورز کی تعداد 12 ملین ہوگئی ہے۔

ٹک ٹاک پر 12 ملین فالوورز مکمل ہونے کا اعزاز حاصل کرنے کے ساتھ ہی ذوالقرنین سکندر پاکستانی لڑکوں کی فہرست میں پہلے ٹک ٹاکر بن گئے ہیں جنہیں ٹک ٹاک پر 12 ملین صارفین نے فالو کیا ہوا ہے۔

ذوالقرنین سکندر کے ٹک ٹاک اکاؤنٹ کا جائزہ لیں تو اُنہوں نے اب تک متعدد ویڈیوز اپ لوڈ کی ہیں جن پر کروڑوں میں لائکس آئے ہیں۔

کنول آفتاب نے شوہر کی کامیابی پر اپنی انسٹاگرام اسٹوری میں ذوالقرنین سکندر کے ٹک ٹاک اکاؤنٹ کا اسکرین شاٹ شیئر کیا ہے۔

کنول آفتاب نے اپنے شوہر کو مبارکباد دیتے ہوئے کہا کہ ’اللّہ تعالیٰ آپ کو مزید کامیابیوں سے نوازے، آمین۔‘

واضح رہے کہ رواں ماہ ہی کنول آفتاب اور ذوالقرنین سکندر نے نکاح کیا ہے، سوشل میڈیا پر ٹک ٹاک کی دُنیا کی اس جوڑی کو خوب پسند کیا جاتا ہے۔