پنجاب: حکومت نے کورونا ویکسین لگوانے والے بزرگ شہریوں اور خصوصی افراد کے لیے ایمبولینس سروس کا افتتاح کر دیا ہے۔

تفصیلات کے مطابق سماجی رابطے کی ویب سائٹ ٹوئٹر پر وزیراعلیٰ پنجاب کی معاون خصوصی فردوس عاشق اعوان نے ٹوئٹ کیا کہ ایمبولینس سروس گھر سے سینٹر اور پھر گھر ڈراپ کرے گی، عوام کو زیادہ سے زیادہ سہولیات فراہم کرنا بزدار حکومت کا مشن ہے۔

بزدارحکومت نے کورونا ویکسین لگوانے آنے والےبزرگ شہریوں اور خصوصی افراد کی پک اینڈ ڈراپ کیلئے خصوصی ایمبولینس سروس کا افتتاح کردیا۔ ایمبولینس سروس بزرگ شہریوں اور خصوصی افراد کو کورونا ویکسین لگوانے کیلئے گھر سے سنٹر پر لانے اور پھر گھر ڈراپ کرنے کی سہولت فراہم کرے گی۔

— Dr. Firdous Ashiq Awan (@Dr_FirdousPTI) April 2, 2021

فردوس عاشق کا کہنا تھا کہ ماضی کے حکمرانوں نے عوام کا استحصال کیا۔ پچھلی حکومتوں نے عوامی خدمت کے نام پر جائیدادیں بنائیں اور اپنی تجوریاں بھریں، قرضوں کا بوجھ قوم پر ڈال کر ظل سبحانی منشی سمیت لندن کوچ کرگئے اور جھوٹوں کی رانی عوام کے متھے مارگئے۔

عوام کو زیادہ سے زیادہ سہولیات فراہم کرنا بزدارحکومت کا مشن ہے۔ ماضی کے حکمرانوں نے عوام کا استحصال کیا۔ عوامی خدمت کےنام پر جائیدادیں بنائیں اور اپنی تجوریاں بھریں۔ قرضوں کا بوجھ قوم کےکندھوں پر ڈال کر ظل سبحانی منشی سمیت لندن کوچ کرگئے اور جھوٹوں کی رانی عوام کے متھے مارگئے۔

— Dr. Firdous Ashiq Awan (@Dr_FirdousPTI) April 2, 2021