شہباز گِل کا مریم اورنگزیب کے بیان پر ردعمل

ثمرا مظہر

23rd Apr, 2021. 01:41 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شہباز گِل کا مریم اورنگزیب کے بیان پر ردعمل

معاون خصوصی برائے سیاسی ابلاغ ڈاکٹر شہباز گِل نے مسلم لیگ (ن) کی ترجمان مریم اورنگزیب کے بیان پر ردعمل دیتے ہوئے کہا ہے کہ قوم خدمت کے نام پر خزانہ لوٹنے والے کیلئے دعائیں نہیں انصاف کی طلبگار ہے۔

ڈاکٹر شہباز گِل نے ٹویٹ کرتے ہوئے کہا کہ نااہل درباریوں کی طرف سے ضمانت ملنے کو سرخرو ہونے سے تعبیر کیا جاتا ہے، سرٹیفائیڈ جھوٹے ثابت ہونے اور سزا پانے پر بھی وکٹری کے نشان بنانے والوں کے کیا کہنے ہیں۔

انہوں نے کہا کہ جنہوں نے زرداری کا پیٹ پھاڑنا تھا، عوام کے منہ سے نوالہ چھین لیا، خدمت گاروں کی جائیدادوں میں 20 سال کے اندر 549 ارب کا اضافہ ہوا۔

شہباز گل نے کہا کہ جس عوام کی خدمت کی گئی وہ آج بھی کوڑی کوڑی کی محتاج ہے، عوام اب شعبدہ بازوں کے پروپیگنڈے نہیں بلکہ انہیں احتساب کا نصاب پڑھائے گی۔