امیر جماعت اسلامی سراج الحق نے کہا ہے کہ مہنگائی ، بے روزگاری اور غربت تمام حدیں کراس کر گئی ہے۔
تفصیلات کے مطابق امیر جماعت اسلامی سراج الحق نے اپنے ایک بیان میں کہا کہ حکومت حالات کا ادراک کرنے میں مکمل ناکام دکھائی دے رہی ہے، حکومت ایسے بحرانوں کو جنم دے رہی ہے کہ جنہیں حل کرنے میں دہائیاں لگ سکتی ہیں۔
امیر جماعت اسلامی نے کہا کہ پی ٹی آئی حکومت نے گزشتہ ڈھائی برسوں میں کمزور معیشت کا مزید بھرکس نکالا۔ بیڈ گورننس کی وجہ سے پہلے سے کمزور ادارے تنزلی کی جانب سفر کر رہے ہیں۔
سراج الحق نے یہ بھی کہا کہ حکومت نوجوانوں کے حوصلے پست کرکے ہاتھ پھیلانے کی عادت ڈالنے کی بجائے کام کے مواقع پیدا کرے۔
امیر جماعت اسلامی سراج الحق نے مزید کہا کہ لوگ رمضان کے مہینے میں قرآن کے پیغام کو سمجھنے اور اس پر عمل کرنے کی کوشش کریں اور نظام مصطفیٰ کے قیام کے لیے جماعت اسلامی کا ساتھ دیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News