میشا شفیع، علی ظفر کیس: اداکارہ کو بڑا ریلیف مل گیا

شبین رضا

09th Apr, 2021. 02:34 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

میشا شفیع، علی ظفر کیس: اداکارہ کو بڑا ریلیف مل گیا

سیشن کورٹ نے میشا شفیع کےعدالت میں پیش ہونے کے حکم کو کالعدم قرار دے دیاہے۔

تفصیلات کے مطابق سیشن کورٹ میں گلوکارہ، ماڈل اور میوزک کمپوزر میشا شفیع کی اپیل پر سماعت ہوئی۔ ایڈیشنل سیشن جج حامد حسین نے میشا شفیع کی اپیل پر سماعت کی۔

ذرائع کے مطابق دوران سماعت سیشن کورٹ نے میشا شفیع کو ضلع کچہری میں سیکیورٹی بونڈز جمع کروانے سے روک دیا۔

اس کے علاوہ عدالت نے ایف آئی اے کو نوٹس جاری کرتے ہوئے جواب طلب کرلیا اور میشا شفیع کی اپیل پر فیصلہ ہونے تک طلبی کو کالعدم قرار دیا۔

واضح رہے کہ میشا شفیع نے ضلع کچہری میں طلبی کو سیشن کورٹ میں چیلنج کررکھا تھا۔

اس حوالے سے میشا شفیع کا کہنا تھا کہ اپنے خاوند اور بچوں کے ہمراہ کینیڈا میں مقیم ہوں، علی ظفر کی مدعیت میں ایف آئی اے نے جھوٹا اور بے بنیاد مقدمہ درج کیا، کورونا کی وجہ سے کینیڈین حکومت نے ایڈوائزری جاری کر رکھی ہے، لہذا ابھی پاکستان آنا ممکن نہیں ہے تاہم ویڈیو لنک کے ذریعے عدالت میں پیش ہونے کو تیار ہوں، سیشن کورٹ ویڈیو لنک کے ذریعے عدالت میں پیش ہونے کی اجازت دے۔