حکومتی وزراء نے وزیراعظم عمران خان اورجہانگیرترین کے درمیان رابطے کیلئے کوششیں تیز کردیں ہیں۔

تفصیلات کے مطابق پی ٹی آئی رہنما جہانگیر ترین کےمعاملے پر حکومتی وزراء متحرک ہیں، حکومتی اراکین کا اس حوالے سے کہنا ہے کہ چاہتے ہیں معاملہ افہام وتفہیم سے حل ہو، سخت بیانات سےگریزبہت ضروری ہے۔

ذرائع کے مطابق بعض حکومتی وزراء کے جہانگیرترین سے بیک ڈور رابطے ہیں جبکہ وزیراعظم عمران خان کے قریبی ساتھی بھی جہانگیرترین سے صلح کے خواہشمند ہیں۔

ذرائع کے مطابق وزیراعظم نے جہانگیر ترین سے صلح کے لیے گرین سگنل دیتے ہوئے کہاہےکہ بات کرنے کے لیے تیار ہوں۔

جہانگیرترین کےہم خیال گروپ کے وزیراعظم سے ملاقات کیلئے رابطے جاری ہیں۔

واضح رہےکہ قومی اسمبلی کے رکن راجہ ریاض نے کہا تھا کہ کچھ لوگ جہانگیرترین کےخلاف مقدمےبنارہے ہیں، عمران خان ہمارے کپتان ہیں، ہم کسی قسم کی رعایت نہیں مانگ رہے، جہانگیرترین مقدمات کاسامنا کررہے ہیں اورہم ان کے ساتھ ہیں۔