امیر جماعت اسلامی سراج الحق نے کہا ہے کہ ملک دشمن عناصر اپنے مذموم مقاصد میں کامیاب نہیں ہونگے۔
تفصیلات کے مطابق امیر جماعت اسلامی سراج الحق نے کوئٹہ سرینہ ہوٹل پارکنگ میں دھماکے کی شدید مذمت کرتے ہوئے کہا کہ دھماکے میں بے گناہ افراد کی شہاد ت پر دلی رنج و افسوس ہوا ہے۔
امیر جماعت اسلامی نے کہا کہ غمزدہ خاندانوں کے غم میں برابر کاشریک اور زخمیوں کے صحت یابی کیلئے دعاگو ہوں۔
سراج الحق نے یہ بھی کہا کہ رمضان المبارک کی مقدس ساعتوں میں خون ریزی کرنے والے مسلمان نہیں ہو سکتے، حکومت دہشت گردوں کے خلاف سخت کارروائی کرے۔
امیر جماعت اسلامی سراج الحق نے مزید کہا کہ دہشت گردانہ حملہ پاکستان کے خلاف دشمن کی سازش ہے، پوری قوم کو متحد ہوکر پاکستان دشمن عناصر کی سازشوں کو ناکام بنانا ہوگا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News