ملک بھر میں کورونا وائرس کی تشویشناک صورتحال کے پیش نظرراولپنڈی کے متعدد علاقوں میں اسمارٹ لاک ڈاؤن نا فذ کر دیا گیا ہے۔
ضلعی انتظامیہ کی جانب سے جاری نوٹیفکیشن کے مطابق راولپنڈی کے متعدد علاقوں میں اسمارٹ لاک ڈاؤن لگا دیا گیا ہے جو کہ 27 اپریل تک نافذ رہے گا۔
جاری نوٹیفکیشن کے مطابق اسمارٹ لاک ڈاؤن تبارک لائن اڈیالہ روڈ، جوڈیشل اپارٹمنٹ سول لائن، کشمیر ہاؤس مندرہ، محلہ گلشن سعید چکری روڈ، کمال آباد گلی نمبر 3، ٹنچ بھاٹہ ، پشاور روڈ لائن نمبر5 ،ہاشمی کالونی واہ کینٹ، وارڈ نمبر 9 گوجر خان ،چہاری بنجرال گوجر خان اورڈھوک چنیال کے علاقوں میں نافذ کیا گیا ہے۔
ذرائع کے مطابق اسمارٹ لاک ڈاؤن والے علاقوں میں سبزی فروٹ کی دکانیں، میڈیکل اسٹور، آٹا چکی، بیکری ، جنرل اسٹوراور پیٹرول پمپ کھلے رہیں گے۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News