معاون خصوصی برائے یوتھ افیئرز عثمان ڈار نے کہا ہے کہ وزیراعظم عمران خان ایک سچے عاشق رسول ہیں۔
تفصیلات کے مطابق معاون خصوصی برائے یوتھ افیئرز عثمان ڈار نے میڈیا سے گفتگو کرتے ہوئے کہا کہ کپتان کسی تبدیلی کے لیے ہی اپوزیشن تبدیل کرتے ہیں۔
عثمان ڈار نے کہا کہ کپتان کے ہاتھ میں ہے کہ وہ کس کو کہاں فیلڈنگ کرائے جبکہ بیٹنگ اور باؤلنگ کا نمبر بھی کپتان اپنے حساب سے سیٹ کرسکتے ہیں۔
معاون خصوصی کا کہنا تھا کہ نبی اکرم کے لیے سب قربان ہونے کو تیار ہیں، حکومت مذاکرات کررہی ہے امید ہے اس مسئلے کا حل نکل آئے گا۔
عثمان ڈار کا یہ بھی کہنا تھا کہ حماداظہر کی پرفامنس بہترین رہی ہے، اب بھی انہیں مشکل وزارت دی گئی ہے۔
معاون خصوصی برائے یوتھ افیئرز عثمان ڈار کا مزید کہنا تھا کہ ٹائیگرفورس سے کتنا کام لیں گے، نہ ان کی کوئی تنخواہ ہے نہ ان کو کچھ مل رہا ہے، نوجوانوں نے پیسوں کے بغیر کام کیا اور ابھی بھی کچھ علاقوں میں ٹائیگر فورس کے جوان کام کررہے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News