محکمہ موسمیات نے عید کے دنوں میں بارشوں کی پیشگوئی کرتے ہوئےالرٹ جاری کردیا ہے۔
محکمہ موسمیات کے مطابق پنجاب کے مختلف علاقوں میں عید کے روز گرج چمک کے ساتھ بارشیں برسنے کا امکان ہے۔
محکمہ موسمیات کے مطابق عید کے دنوں میں موسم خوشگوار رہے گا۔
محکمہ موسمیات کے مطابق خطہ پوٹھوہار، گجرات ، گوجرانوالہ، سیالکوٹ،فیصل آباد اورلاہورمیں آندھی گرد آلود ہوائیں چلنے گرج چمک کے ساتھ مزیدبارش متوقع ہے جبکہ ملتان ، ڈیرہ غازی خان اور بہاولپور کے اضلاع میں آندھی گرد آلود ہوائیں چلنے کاامکان ہے۔
محکمہ موسمیات کے مطابق خیبرپختونخوا کے بیشتر اضلاع میں موسم گرم اور خشک رہے گا، دیر، مردان ،چارسدہ ، مانسہرہ، ایبٹ آباد، بنوں،وزیرستان اورکرم میں آندھی اور گرج چمک کے ساتھ بارش کی توقع ہے۔
پنجاب میں بارشوں کے پیش نظر جہاں ایک طرف محکمہ موسمیات نے الرٹ جاری کیا ہے تو وہیں دوسری جانب بارش ہونے کی وجہ سے کمشنر لاہور نے تمام محکموں کو الرٹ کر دیا۔
اس سلسلے میں لاہور میں ضلعی انتظامیہ و بلدیہ عظمیٰ کے افسران کوفیلڈ میں موجود رہنے کا حکم جاری کیا گیا ہے۔
کمشنر لاہور نے ضلعی انتظامیہ و بلدیہ عظمیٰ کے افسران کو ہدایت جاری کی ہے کہ تیز ہواؤں سے درخت گرنے کی صورت میں فوری راستے کلیئر ہونے چاہئیں۔
کمشنرلاہور نے ہدایت جاری کرتے ہوئے مزید کہا ہے کہ نکاسی آب کے لئے درکار مشینری کو مکمل فعال رکھا جائے اس سلسلے میں شہریوں سے اپیل ہے کہ غیر ضروری گھروں سے باہر نہ نکلیں۔
کمشنر لاہور نے مزید کہاکہ لیسکو،واسا،ایم سی ایل و دیگر محکمے فیلڈ میں موجود رہیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News