بھارت کے معروف اداکار پریش راول نے سوشل میڈیا پر زیرِ گردش اپنی موت کی خبروں کی تردید کردی ہے۔
سوشل میڈیا پر گزشتہ روز ایک خبر شیئر ہوئی تھی کہ بالی ووڈ اداکار پریش راول جمعے کی صبح سات بجے اپنی زندگی کی آخری سانسیں لیتے ہوئے دُنیا سے کوچ کرگئے ہیں، یہ خبر اس قدر وائرل ہوئی کہ اداکار کے مداح غم میں مبتلا ہوگئے۔
آج صبح اداکار پریش راول نے اپنی موت کی خبروں کی تردید کرتے ہوئے سماجی رابطے کی ویب سائٹ ٹوئٹر پر پیغام جاری کیا ہے، جس میں انہوں نے کہا کہ اس غلط فہمی کے لیے معذرت خواہ ہوں کیونکہ میں جمعہ کی صبح 7 بجے سو رہا تھا۔
اداکار پریش راول کا ٹوئٹ دیکھنے کے بعد اُن کے مداح خوش ہوگئے ہیں۔
https://twitter.com/SirPareshRawal/status/1393122301168668675
پریش راول نے اپنے تصدیق شدہ ٹوئٹر اکاؤنٹ پر سوشل میڈیا کی وہ پوسٹ شیئر کی ہے جس میں اُن کی موت کی خبر دی گئی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News