وزیرخارجہ شاہ محمود قریشی نے کہا ہے کہ مقبوضہ کشمیر کا مسئلہ بھی جلد حل ہونا چاہئیے۔

تفصیلات کے مطابق وزیرخارجہ شاہ محمود قریشی اور صدر یواین جنرل اسمبلی کی مشترکہ پریس کانفرنس ہوئی جس میں وزیرخارجہ نے کہا کہ آج دنیا پاکستان کو مسئلے کے حل کی نگاہ سے دیکھ رہی ہے۔

شاہ محمود قریشی نے کہا کہ اس وقت مسئلہ کشمیر اور فلسطین کی صورتحال مختلف نہیں ہیں۔

انہوں نے یہ بھی کہا کہ مصر کے صدر سے وزیراعظم عمران خان کی گفتگو ہوئی ہے۔

وزیرخارجہ کا کہنا تھا کہ پاکستان نے افغانستان میں امن کی بحالی کے لئے مثبت کردار ادا کیا ہے۔

شاہ محمود نے کہا کہ اقوام متحدہ فلسطین کے معاملے پر اپنا کردار ادا کرے۔

انہوں نے یہ بھی کہا کہ فلسطین میں اسپتال تباہ کر دیے، ریڈکراس کو بھی نشانہ بنایا گیا ہے۔

وزیرخارجہ کا کہنا تھا کہ خطے میں کشیدگی کے خاتمے کے لئے مذاکرات کا عمل شروع کرنا ہو گا اور امن عمل کو آگے بڑھانا ہوگا۔

شاہ محمود نے کہا کہ فلسطین میں لگی آگ صرف مذاکرات سے بجھ سکتی ہے۔

یواین جنرل اسمبلی نےفلسطین کی صورتحال پراجلا س بھی بلایا ہے۔

وزیرخارجہ شاہ محمود قریشی نے مزید کہا کہ ہم نے فلسطینیوں کے حقوق کے لئے مضبوط مؤقف اپنایا ہے جبکہ خطے میں ریاستی تنازعات کے حل کے لئے جنرل اسمبلی کی جانب دیکھ رہے ہیں۔