گزشتہ سال کی طرح اس سال بھی حج کی ادائیگی کےلئے غیر ملکیوں پر پابندی لگائے جانے کا امکان ہے۔
بین الاقوامی ذرائع ابلاغ کے مطابق سعودی حکومت نے اس سال بھی حج کو محدود کرنے پر غور شروع کر دیا ہے۔ اس حوالے سے امکان ظاہر کیا جا رہا ہے کہ عالمی وباء کورونا وائرس کی دنیا بھر میں تشویش ناک صورتحال کے پیش نظراس سال بھی حج کی ادائیگی کے لئے غیر ملکیوں پر پابندی عائد کر دی جائے گی۔
بین الاقوامی ذرائع ابلاغ کے مطابق اس سال بھی مقامی افراد کوہی محدود پیمانے پر حج کی ادائیگی کی اجازت ملنے کا امکان ہے۔
واضح رہےکہ سعودی حکومت کی جانب سے جن افراد کوحج کی ادائیگی کی اجازت ہوگی ان کےلیے کورونا ویکسی نیشن کروانا ضروری ہوگا۔
گزشتہ سال بھی عالمی وباء کورونا وائرس کی تشویش ناک صورتحال کے باعث سعودی عرب میں فریضہ حج انتہائی محدود اور سخت احتیاطی تدابیر کے ساتھ ادا کیا گیا تھا۔
گزشتہ سال سعودی حکومت نے 30 فیصد صرف سعودی باشندوں جبکہ 70 فیصد ملک میں رہنے والے غیر ملکی افراد کو حج کی اجازت دی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News