بالی ووڈ کے فوٹو گرافر جولین کے خلاف ماڈل سے مبینہ زیادتی کا مقدمہ درج

ویب ڈیسکویب ایڈیٹر

31st May, 2021. 09:43 pm

بالی وڈ کے معروف فوٹو گرافر جولین کولسٹن کے خلاف زیادتی کا مقدمہ درج کر لیا گیا ہے۔

غیر ملکی خبر رساں ادارے کے مطابق بالی وڈ کے فوٹو گرافر جولین کولسٹ سمیت 8 افراد پر 28 سالہ ماڈل گرل اپرنا ڈوبے سے مبینہ زیادتی کا مقدمہ درج کیا گیا ہے۔

ممبئی سے تعلق رکھنے والی ماڈل گرل نے باندرہ کے تھانے میں درخواست جمع کرائی ہے۔

درخواست  میں ماڈل اپرنا ڈوبے نے فوٹوگرافر سمیت 8 افراد پر زیادتی کا نشانہ بنانے کا الزام عائد کیا ہے۔

ماڈل نے الزام عائد کیا کہ فوٹوگرافر 4 سال تک زیادتی کا نشانہ بناتا رہا ہے جبکہ زیادتی کرنے والوں میں بالی وڈ کا ایک ٹیلنٹ منیجر بھی شامل ہے۔

ماڈل نے سوشل میڈیا پر فوٹوگرافر کی قابل اعتراض تصاویر پوسٹ کی ہیں۔

اس واقع کےحوالے سے پولیس نے تشویش کی اور خاتون کی سوشل میڈیا پر گزشتہ ماہ ڈالی گئی ویڈیو کا بھی جائزہ لیا۔

واضح رہے کہ گزشتہ ماہ ڈالی گئی ویڈیو میں ماڈل نے زیادتی کا نشانہ بنائے جانے کا انکشاف کیا تھا۔

پولیس نے ملزمان کے خلاف مقدمہ درج کرکے کارروائی شروع کردی ہے تاہم ابھی تک کسی ملزم کو گرفتار نہیں کیا گیا ہے۔

دوسری جانب فوٹو گرافر نے بھی الزامات پر قانونی چارہ جوئی کا اعلان کیا ہے۔

Adsense 300×250