قومی ٹیم کے ہیڈ کوچ مصباح الحق نے کہا ہے کہ جب بھی ٹیم جیتتی ہے تو اعتماد میں اضافہ ہوتا ہے۔

تفصیلات کے مطابق قومی ٹیم کے ہیڈ کوچ مصباح الحق نے ورچوئل پریس کانفرنس کرتے ہوئے کہا کہ بہت خوشی کی بات ہے کہ دونوں ٹورز پر کامیابی ملی ہے۔

انہوں نے کہا کہ جنوبی افریقہ میں کنڈیشنز مختلف ہوتی ہیں، پرفام کرنا مشکل ہوتا ہے جبکہ زمبابوے میں اوپنرز نے اچھا پرفارم کیا ہے۔

قومی ٹیم کے ہیڈ کوچ کا کہنا تھا کہ عمران بٹ نے پہلی اننگ سمیت فیلڈنگ میں اچھا پرفارم کیا ہے اور اوورآل ہر شعبے میں کھلاڑیوں نے بہتر پرفام کیا ہے۔

مصباح الحق نے کہا کہ آگے انگلینڈ میں اہم سیریز آرہی ہیں اور ورلڈ کپ بھی آرہا ہے۔

انہوں نے یہ بھی کہا کہ ٹیم کے لئے بہت بڑی کامیابی ہوگی ،ویسٹ انڈیز کا ٹور بھی کرنا ہے۔

مصباح الحق نے کہا کہ بابر بطور کپتان اب پراعتماد نظر آرہا ہے  جبکہ بابر اعظم کے اعتماد میں اضافہ ٹیم کے لئے بہترین ہے۔

قومی ٹیم کے ہیڈ کوچ کا کہنا تھا کہ میں خود لیٹ آیا کیونکہ یونس خان، محمد یوسف اور انضمام الحق تھے جبکہ فواد عالم کے وقت میں خود یونس، اظہر اور اسد شفیق بھی تھے۔

انہوں نے کہا کہ ٹیم کمبینیشن  میں سلاٹ اتنی آسانی سے نہیں بنتا اور  یہ ہی وجہ ہے کہ لڑکے لیٹ ٹیم میں آتے ہیں۔

مصباح الحق نے کہا کہ کورونا کے دوران کرکٹ کھیلنا آسان نہیں تھا نارمل حالات میں کرکٹ بھی نارمل ہو رہی ہوتی ہے۔

انہوں نے یہ بھی کہا کہ کھلاڑیوں اور مینجمنٹ کو کریڈٹ جاتا ہے کہ ان حالات میں بھی کھیل رہے ہیں کھلاڑیوں کا کھیل کے لئے جذبہ انہیں ان حالات میں بھی کھلا رہا ہے۔

قومی ٹیم کے ہیڈ کوچ  کا کہنا تھا کہ ٹیم کے تمام لڑکوں کی آپس میں بانڈنگ اچھی ہے ویسے سحری اور افطاری کے وقت آپس میں بیٹھنے کا اچھا موقع مل جاتا ہے۔

انہوں نے کہا کہ ہم نے چانس دینا تھا تو اس کے لئے کسی ایک کو تو ریسٹ دینا ہی تھا۔

مصباح الحق نے یہ بھی کہا کہ سکواڈز میں اب بیس بائیس لڑکے نارمل جا رہے ہیں ،مستقبل میں انہیں قومی ٹیم کے  لئے کافی کچھ سیکھنے کو مل سکتا ہے۔

انہوں نے کہا کہ پی ایس ایل کے میچز سے بھی ہمیں ورلڈ کپ کی ڈائریکشن ملے گی۔

قومی ٹیم کے ہیڈ کوچ مصباح الحق نے مزید کہا کہ بڑی ٹیمیں بھی چھوٹی ٹیموں کے خلاف کھیل کر ڈوولیپ ہوئی ہیں، جب اپنے سے اچھی ٹیم کے خلاف کھیلتے ہیں تو سیکھتے ہیں۔