رمضان المبارک میں عام طور پر اکثر لوگوں کو معدے میں تیزابیت اور پیٹ درد ہونے کی شکایات ہوتی ہیں جس کی کئی ساری وجوہات ہیں۔
ماہرین صحت کا کہناہے کہ معدے میں تیزابیت ہونے کی وجہ گیسٹرک گلینڈز میں تیزابی سیال کی سطح کا بڑھ جانا ہے۔
معدے میں تیزابیت کی وجہ کھانے کے درمیان طویل وقفہ، خالی پیٹ ہونا یا بہت زیادہ چائے اور کافی یا تمباکو نوشی کا استعمال ہے۔
عام طور پر معدے میں تیزابی سیال معمول سے زیادہ ہوجانے کے باعث سینے میں جلن اور تیزابیت کا احساس ہوتا ہے۔
ان گھریلو ٹوٹکوں پر عمل کرکے معدے کی تیزابیت سے نجات مل سکتی ہے۔
سونف
ماہرین صحت کہتے ہیں کہ معدے میں تیزابیت کی صورت میں کچھ مقدار میں سونف چبا لی جائے تو اس سے یہ شکایت کافی حد تک دور ہوجائے گی اور پیٹ کے درد کی صورت میں آرام بھی ملے گا۔
اس کے علاوہ سینے کی جلد، پیٹ پھولنے اور بدہظمی سے بھی چھٹکارہ مل جائے گا۔
دار چینی
دار چینی معدے کی تیزابیت کو کنٹرول کرنے میں مددگار ثابت ہوتی ہے۔
ماہرین صحت کے مطابق دار چینی معدے کی صحت ہاضمے اور غذا کو جذب کرتے ہے۔ معدے میں تیزابیت کو دور کرنے کے لیے دار چینی کی چائے مفید ثابت ہوتی ہے۔
لونگ
لونگ قدرتی طور پر غذائی نالی میں گیس پیدا ہونے سے روکتی ہے۔ الائچی اور لونگ کو کچل کر کھانا بھی مفید ہے۔ لونگ معدے میں تیزابیت کا علاج کرتی ہے اور طبیعت بحال کرتی ہے۔
زیرہ
زیرہ بھی معدے میں تیزابیت کو معمول پر رکھنے میں خاص سمجھا جاتا ہے۔ زیرہ ہاضمے میں مدد دیتا ہے اور پیٹ کے درد کو کم کرتا ہے۔ ایک چائے کا چمچ زیرہ ایک کپ ابلتے ہوئے پانی میں ڈال کر ہر کھانے کے بعد کھانا انتہائی مفید ہے۔
ناریل کا پانی
ناریل کا پانی تیزابیت کو ختم کرتا ہے، ناریل کا پانی پینے سے تیزابی سطح الکلائن میں بدل جاتی ہے اور معدے میں ٹھنڈک کا باعث بنتی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News