وزیراعلیٰ پنجاب کی ترقیاتی منصوبوں کیلئے جاری فنڈز کا استعمال یقینی بنانے کی ہدایت

وریشہ مسعود

16th May, 2021. 10:13 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعلیٰ پنجاب کی ترقیاتی منصوبوں کیلئے جاری فنڈز کا استعمال یقینی بنانے کی ہدایت

وزیراعلیٰ پنجاب سردار عثمان بزدار نے ترقیاتی منصوبوں کیلئے جاری فنڈز کا بروقت استعمال یقینی بنانے کی ہدایت کردی ہے۔

تفصیلات کے مطابق وزیراعلیٰ پنجاب سردار عثمان بزدار نے اپنے ایک بیان میں کہا کہ فنڈز کے بروقت استعمال کو یقینی بنانے کیلئے مانیٹرنگ کا موثر نظام ضروری ہے۔

وزیراعلیٰ پنجاب نے کہا کہ ترقیاتی منصوبوں کے معیار پر پورا فوکس ہونا چاہیے، ترقیاتی فنڈز کا بروقت استعمال نہ کرنے والے محکموں کی جواب طلبی ہوگی۔

عثمان بزدار نے منصوبوں پر کام کی رفتار مزید تیز کرنے کی ہدایت کرتے ہوئے کہا کہ افسران فیلڈ میں نکلیں اور ترقیاتی سکیموں پر پیش رفت کو خود مانیٹر کریں۔

وزیراعلیٰ پنجاب سردار عثمان بزدار نے مزید کہا کہ فنڈز کے بروقت استعمال سے عوام فلاح عامہ کے منصوبوں کے ثمرات سے مستفید ہوتے ہیں، بعض محکموں کی جانب سے سست روی کا مظاہرہ قابل قبول نہیں۔