گورنر سندھ عمران اسماعیل نے کہا ہے کہ سعودی عرب سے واپسی کے دوران وزیراعظم اپنی قوم و ملک کی سلامتی کیلئے فکر مند دکھائی دئیے۔

 تفصیلات کے مطابق گورنر سندھ عمران اسماعیل نے سماجی رابطے کی ویب سائٹ ٹویٹر پر اپنے ایک پیغام میں کہا کہ دورہ سعودی عرب سے واپسی کے بعد ہم سب کا تھکاوٹ سے برا حال تھا لیکن وزیراعظم عمران خان وطن واپسی کے بعد پمز اسپتال پہنچ گئے جہاں انہوں نے بیماروں کی عیادت کی۔

وزیر اعظم عمران خان نے آج عمرہ سے واپسی پر PIMS ہسپتال کا دورہ کیا۔ سارے سفر کے دوران PM اپنی قوم و ملک کی سلامتی کے لیے فکر مند دکھائ دیے۔ وہ تمام راستے پاکستان کے امیج کو بہتر بنانے کے لیے اپنے ساتھیوں سے مشاورت کرتے رہے۔ ہم سب کا تھکاوٹ سے بُرا حال ہے اور PM ہسپتال کے دورے پر pic.twitter.com/apNWD9NaHs

— Imran Ismail (@ImranIsmailPTI) May 10, 2021

گورنر سندھ عمران اسماعیل نے مزید کہا کہ سعودی عرب سے واپسی پر تمام سفر کے دوران وزیراعظم عمران خان اپنی قوم و ملک کی سلامتی کے لئے فکر مند دکھائی دئیے،عمران خان تمام راستے پاکستان کے امیج کو بہتر بنانے کے لیے اپنے ساتھیوں سے مشاورت کرتے رہے۔

واضح رہے کہ وزیراعظم سعودی قیادت کی دعوت پر تین روزہ دورے پر سعودی عرب گئے تھے جہاں پاکستان اور سعودی عرب نے معاشی، تجارتی اور سفارتی تعلقات مزید مستحکم کرنے کا عزم کا اعادہ کیا ۔