ٹک ٹاک اسٹار کنول آفتاب ایک بار پھر بڑا اعزاز اپنے نام کرنے میں کامیاب

اریبہ نثارویب ایڈیٹر

10th May, 2021. 12:00 am

پاکستان کی معروف ٹک ٹاک اسٹار کنول آفتاب نے ٹک ٹاک پر کامیابی حاصل کر لی ہے۔

تفصیلات کے مطابق ٹک ٹاک اسٹار کنول آفتاب کے 13 ملین فالوورز ہوگئے ہیں۔

ٹک ٹاک فالوورز میں اضافہ ہونے کے بعد کنول آفتاب نمبر ون ٹک ٹاک اسٹار جنت مرزا تک پہنچنے میں تھوڑی ہی پیچھے رہ گئی ہیں۔

کنول آفتاب کی عید سے پہلے عید ہوگئیٹک ٹاک اسٹار جنت مرزا کے ٹک ٹاک پر 14 ملین سے زائد فالوورز ہیں۔

کنول آفتاب کے ٹک ٹاک اکاؤنٹ کا جائزہ لیں تو اُنہوں نے اب تک کئی ویڈیوز اپ لوڈ کی ہیں جن پر کروڑوں میں لائکس آئے ہیں۔

لاہور سے تعلق رکھنے والی کنول آفتاب ناصرف ایک ٹک ٹاک اسٹار ہیں بلکہ وہ گزشتہ کچھ سالوں سے ایک نجی ویب چینل پر میزبانی کے فرائض بھی سرانجام دے رہی ہیں۔

اس سے قبل پاکستانی ٹک ٹاکر جوڑی کنول آفتاب اور ذوالقرنین نے نکاح جلدی کرنے کی وجہ بتائی تھی۔

حال ہی میں کنول آفتاب اور ذوالقرنین نے ایک نجی چینل کی رمضان ٹرانسمیشن میں بطور مہمان شرکت کی تھی جس میں دونوں نے اپنے نکاح سے متعلق بات کی۔

کنول آفتاب اور ذوالقرنین کا رخصتی سے مہینوں قبل نکاح کرنے کی وجہ بتاتے ہوئےکہنا تھا کہ ’سب کا یہ ماننا تھا کہ جیسے دوسرے جوڑے ایک ساتھ ایک رشتے میں رہتے ہیں اور پھر ایک دوسرے کا ساتھ چھوڑ دیتے ہیں ایسے ہی سب ہم سے متعلق بھی بات کیا کرتے تھے کہ ہم بھی ایک دن ایک دوسرے کو چھوڑ دیں گے اور شادی نہیں کریں گے۔‘

اس دوران ذوالقرنین کا کہنا تھا کہ ’ہر کوئی ایک جیسا نہیں ہوتا، جب لوگوں کی وہ ایسی باتیں سنتے تھے تو اُنہیں اچھا نہیں لگتا تھا، کچھ لوگ ہمارے جیسے بھی ہوتے ہیں جو ایک رشتے کو باقاعدہ نام دیتے ہیں اور شادی کرتے ہیں۔‘

اس حوالے سے ذوالقرنین کا کہنا تھا کہ ’ہم نے نکاح کر کے اس بات کا ثبوت دیا ہے کہ زندگی میں ہم ایک دوسرے کے ساتھ چلنا چاہتے ہیں۔

واضح رہے کہ پاکستان ٹِک ٹاک دنیا کے معروف ستارے کنول آفتاب اور ذوالقرنین گزشتہ دنوں نکاح کے مبارک بندھن میں بندھ گئے تھے۔

کنول آفتاب اور ذوالقرنین کے نکاح کی رسومات کی تصویریں اور ویڈیوز سوشل میڈیا پر خوب وائرل ہوئی تھیں جنہیں دونوں کے مداحوں کی جانب سے خوب پسند کیا گیا تھا۔

Adsense 300×250