ایدھی فاؤنڈیشن کے سربراہ فیصل ایدھی نے کہا ہے کہ فلسطین کی مقامی این جی اوز کے ساتھ ملکر کام کرینگے۔
تفصیلات کے مطابق ایدھی فاؤنڈیشن کے سربراہ فیصل ایدھی نے بول نیوز کے پروگرام اب پتا چلا میں گفتگو کرتے ہوئے کہا ہے کہ پاکستان میں فلسطین کے سفارتخانے سے رابطہ کیا ہے، فلسطینی سفارتخانے کے نائب سفیر ہمارے ساتھ فلسطین جائینگے۔
ایدھی فاؤنڈیشن کے سربراہ نے کہا کہ فلسطین میں اس وقت صورتحال بہت خطرناک ہے، جانتا ہوں فلسطین میں ریسکیو ٹیموں کو بہت خطرات لاحق ہیں۔
فیصل ایدھی نے یہ بھی کہا کہ فلسطین میں اس وقت ادویات کی بہت زیادہ ضرورت ہے۔ ہماری 2ٹیمیں ہونگی،ایک مصر اور دوسری فلسطین میں کام کریگی۔
ایدھی فاؤنڈیشن کے سربراہ فیصل ایدھی نے مزید کہا کہ نائب سفیرنے بتایا ہے زندگی بچانے والی ادویات کی کمی ہے۔ ہم مصر کے راستے سے جائیں گے جو کہ کھلا ہوا ہے، اگر ہمیں روکا نہ گیا تو جوبھی امداد چاہیے ہوگی وہ دینگے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News