Double Click 728 x 90
Double Click 970 x 250

کامیڈین علی گُل پیر نے علیزے شاہ کی پیروڈی ویڈیو بنا ڈالی


اریبہ نثارویب ایڈیٹر

07th May, 2021
Double Click 160 x 600

پاکستان شوبز انڈسٹری کے معروف اداکار، گلوکار، کامیڈین علی گُل پیر نے شوبز انڈسٹری کی اُبھرتی ہوئی اداکارہ علیزے شاہ کی پیروڈی ویڈیو بنائی ہے۔

کامیڈین علی گُل پیر کی جانب سے بنائی جانے والی پیروڈی ویڈیو سوشل میڈیا پرتیزی سے وائرل ہو رہی ہے۔

 

View this post on Instagram

 

A post shared by Ali Gul Pir (@therealaligulpir)

پیروڈی بنانے کے لیے علی گُل پیر کی جانب سے منتخب کیے گئے علیزے شاہ کے انٹرویو میں علیزے خود سے متعلق بات کرتے ہوئے بتا رہی ہیں کہ وہ بچپن سے ہی مختلف تھیں اور اُن کی فیملی اُن کی پیدائش کے بعد ہی سمجھ گئی تھی کہ وہ الگ ہیں، وہ شروع ہی سے عادتوں سے متعلق بالکل اپنی فیملی جیسی نہیں تھیں۔

اس دلچسپ پیروڈی کو انٹرنیٹ صارفین سمیت شوبز انڈسٹری کی معروف شخصیات بھی پسند کر رہے ہیں۔

اس سے قبل کامیڈین علی گُل پیر نے اداکارہ حنا الطاف کی پیروڈی ویڈیو بنائی تھی۔

 علی گُل پیر کی جانب سے حنا الطاف کی پیروڈی بنائی گئی تھی جو کہ انٹر نیٹ پر خوب مقبول ہوئی تھی۔

 

View this post on Instagram

 

A post shared by Ali Gul Pir (@therealaligulpir)

اس ویڈیو نے حنا الطاف کو بھی خوب قہقہے لگانے پر مجبور کر دیا تھا ۔

علی گُل پیر نے حنا الطاف کے ایک انٹرویو پر یہ پیروڈی بنائی تھی۔

حنا الطاف اس انٹرویو کے دوران کھانے پینے سے اپنی رغبت کا اظہار کرتے ہوئے بتا رہی تھی کہ انہیں انڈے والا برگر اور حلوہ پوری جیسی غذائیں بہت پسند ہیں اور اگر کوئی اُن کا کھانا پوچھے بغیر کھا لے تو انہیں بہت غصہ آتا ہے۔

علی گُل پیر نے اس انٹرویو پر اپنے روایتی انداز اور مستقل دوپٹے میں حنا الطاف کی نقل اتارتے ہوئے مزاحیہ ویڈیو بنا کر اپنے سوشل میڈیا پر شیئر کی ہے۔

واضح رہے کہ علی گُل پیر آئے دن کسی نہ کسی معروف شخصیت کی پیروڈی ویڈیو بنا کر اُسے غیر معمولی شہرت پر پہنچا دیتے ہیں۔

Double Click 300 x 250

تازہ ترین نیوز پڑہنے کے لیے ڈاؤن لوڈ کریں بول نیوزایپ