وفاقی وزیر برائے اطلاعات فواد چوہدری کا کہناہے کہ حکومت شہباز شریف کی رہائی کے فیصلے کیخلاف عدالت سے رجوع کرے گی۔

فواد چوہدری نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ بلیک لسٹ میں نام ڈالنا یا نکالنا ڈائریکٹر جنرل ایف آئی اے کا اختیار ہے۔

بلیک لسٹ میں نام ڈالنا یا نکالنا ڈائریکٹر جنرل FIA کا اختیار ہے، شہباز شریف کے وکلاء کی طرف سے عدالتی فیصلے کی بلیک لسٹ سے نام نکلوانے کی ابھی تک کوئ درخواست DGFIA کو نہیں دی گئ ، صرف زبانی باتوں پر ریکارڈ میں تبدیلی نہیں کی جا سکتی، حکومت اس فیصلے کیخلاف عدالت کو رجوع کرے گی

— Ch Fawad Hussain (@fawadchaudhry) May 8, 2021

انہوں نے کہا کہ شہاز شریف کے وکلاء کی طرف سے عدالتی فیصلے کی بلیک لسٹ سے نام نکلوانے کی ابھی تک کوئی درخواست ڈی جی ایف آئی اے کو نہیں دی گئی، صرف زبانی باتوں پر ریکارڈ میں تبدیلی نہیں کی جا سکتی ہے۔

خیال رہے کہ شہباز شریف لاہور سے لندن نہیں جاسکے ہیں، شہباز شریف کو آف لوڈ کرکے ائیرپورٹ پر روک لیا گیا تھا۔

      ذرائع کے مطابق ایف آئی اے حکام کا کہناتھا کہ شہباز شریف ہمارے سسٹم میں ابھی تک بلیک لسٹ ہیں لہٰذا انہیں بیرون ملک جانے کی اجازت نہیں دی جاسکتی۔