بالی ووڈ کی معروف اداکارہ شلپا شیٹھی بھی عالمی وبا کورونا وائرس کا شکار ہو گئی ہیں۔
غیر ملکی خبر رساں ادارے کے مطابق اداکارہ شلپا شیٹھی نے فوٹو اینڈ ویڈیو شیئرنگ ایپ انسٹاگرام پر ایک پوسٹ کی جس میں انہوں نے مداحوں کو بتایا کہ ان کے گھر کے تمام افراد کورونا کا شکار ہو گئے ہیں۔
AdvertisementAdvertisementView this post on InstagramAdvertisementAdvertisementAdvertisementAdvertisement
Advertisement
انسٹاگرام پر اداکارہ کی جانب سے پوسٹ میں اداکارہ نے بتایا کہ گزشتہ 10 دن ہمارے اہل خانہ کے لیے خاصے مشکل رہے ہیں۔
انہوں نے بتایا کہ میرے ساس سسر سمیت سمیشا (بہن )ویان ( بیٹا )میری والدہ اور راج کا کورونا ٹیسٹ مثبت آیا ہے۔
شلپا شیٹھی نے بتایا کہ وہ گھر کے کمروں میں ہی آئسولیشن میں ہیں اور ڈاکٹرز کے مشورے پر عمل پیرا ہیں۔
انہوں نے کہا کہ کچھ اسٹاف ممبر کا بھی کورونا ٹیسٹ مثبت آیا ہے جنہیں طبی سہولیات دی جارہی ہیں۔
بالی ووڈ کی اداکارہ شلپا شیٹھی نے مزید لکھا کہ خدا کے فضل و کرم سے تمام افراد صحتیابی کی جانب گامزن ہیں جب کہ میرا کورونا ٹیسٹ منفی آیا ہے۔
اپنی پوسٹ میں مداحوں کو تعاون پیش کرنے پر شلپا نے شکریہ ادا کرتے ہوئے کورونا کو سنجیدہ لینے پر بھی زور دیا۔
گزشتہ دنوں قبل بالی ووڈ کی معروف اداکارہ دپیکا پڈوکون سمیت ان کا پورا گھرانہ عالمی وبا کا شکار ہوا ہے۔
اداکارہ دپیکا پڈوکون کی والدہ اور بہن میں بھی کورونا کی تصدیق ہوئی ہے۔
اس کے علاوہ خود دپیکا پڈوکون کا کورونا ٹیسٹ بھی مثبت آگیا ہے اور اداکارہ اس وقت بنگلور میں اپنی والدہ کے گھر پر ہی ہیں۔
واضح رہے گذشتہ روز بھارت کے سابق معروف بیڈمنٹن کھلاڑی اور دپیکا کے والد پرکاش پڈوکون عالمی وبا کی وجہ سے بنگلور کے اسپتال میں داخل کیے گئے تھے۔
دوسری جانب دپیکا پڈوکون کے شوہر اداکار رنویر سنگھ کی جانب سے اداکارہ کی صحت کے حوالے سے مزید تفصیلات سامنے نہیں آئی ہیں۔
جبکہ اداکارہ دپیکا کے والد پرکاش پڈوکون کے ایک قریبی دوست نے میڈیا کو بتایا ہےکہ پرکاش کی حالت بہتر ہے اور انہیں 2 سے 3 دن میں گھر منتقل کیا جاسکتا ہے۔
گزشتہ دنوں بھارت کے رئیلیٹی شو 14 کی فاتح و اداکارہ روبینہ دلیک کا بھی کورونا وائرس ٹیسٹ مثبت آیا تھا۔
اداکارہ روبینہ دلیک نے انسٹاگرام پر ایک اہم پیغام جاری کیا تھا جس میں اُنہوں نے مداحوں کو اپنی صحت کے حوالے سے آگاہ کیا۔
بگ باس 14 کی فاتح نے اپنے پیغام میں کہا تھا کہ میں ایک ماہ کے بعد اپنا پلازمہ عطیہ کرسکوں گی کیونکہ بدقسمتی سے میرا کورونا وائرس ٹیسٹ مثبت آگیا ہے۔
اداکارہ روبینہ نے بتایا تھا کہ میں اب اگلے 17 دن تک اپنے گھر میں ہی قرنطینہ میں رہوں گی۔
AdvertisementAdvertisementView this post on InstagramAdvertisementAdvertisementAdvertisementAdvertisement
اُنہوں نے اپیل کرتے ہوئے کہا تھا کہ جن لوگوں نے مجھ سے حالیہ 5 سے 7 دنوں میں ملاقات کی ہے، وہ براہِ کرم! اپنا کورونا وائرس ٹیسٹ لازمی کروائیں۔
روبینہ دلیک کی پوسٹ پر اُن کے مداحوں کی بڑی تعداد اُن کے لیے جلد صحتیابی کے لیے دُعائیہ تبصرے کیے۔
واضح رہے کہ بھارت میں عالمی وبا نے شدت اختیار کی ہوئی ہیں اور دن با دن تیزی سے کورونا کیسز کی تعداد میں اضافہ دیکھنے میں آرہا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News