وزیر خارجہ تین روزہ امریکی دورے کے بعد واپس وطن روانہ ہوگئے ہیں۔
تفصیلات کے مطابق وزیر خارجہ شاہ محمود قریشی قطر ائیر ویز کی کمرشل پرواز سے پاکستان پہنچیں گے۔
ذرائع کے مطابق وزیر خارجہ کی نیویارک میں پاکستانی امریکن نوجوانوں سےملاقات بھی ہوئی۔ اس ملاقات کا اہتمام نیویارک میں پاکستانی سفارتخانے کی جانب سے کیا گیا تھا۔
تقریب میں شریک پاکستانی امریکن نوجوانوں نے وزیر خارجہ شاہ محمود قریشی کو مسئلہ فلسطین اور کشمیر کے حوالے سے بھرپورکردارادا کرنے پرمبارکباد دی۔
وزیر خارجہ نے نوجوانوں کے سوالات اور خیالات کو سنا اور انہیں تسلی بخش جوابات بھی دئیے۔
Advertisement
اس موقع پر شاہ محمود قریشی نے کہاکہ پی ٹی آئی کی حکومت نوجوانوں کی سپورٹ سے آئی ہے۔
انہوں نے کہا کہ ہم صحت اور تعلیم پر خصوصی توجہ مرکوز کیے ہوئے ہیں۔
وزیر خارجہ نے امریکن پاکستانی نوجوانوں کو حکومت پاکستان کی جانب سے نوجوانوں کی بہبود کیلئے متعارف کروائے جانے والے منصوبوں سے بھی آگاہ کیا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
