فیصل آباد میں نصرت فتح علی خان کی یادگار بنانے کا کام شروع

اریبہ نثارویب ایڈیٹر

10th May, 2021. 12:25 am

گلوکار راحت فتح علی خان نے بتایا کہ فیصل آباد میں نصرت فتح علی خان کی یادگار بنائی جارہی ہے۔

تفصیلات کے مطابق پاکستان کے معروف قوال استاد نصرت فتح علی خان کی یادگار بنانے کا کام شروع ہوگیا ہے۔

گلوکار راحت فتح کا مزید کہنا تھا کہ نصرت فتح علی کی جائے پیدائش کو میوزیم اور اکیڈمی بنایا جائے۔

راحت فتح علی نے بتایا کہ یادگار کے لیے بڑی بلڈنگ تین سے چار ماہ میں تعمیر ہوجائے گی۔

اس سے قبل گلوکار راحت فتح علی خان نے نصرت فتح علی خان کے لیے کہا تھا کہ نصرت فتح ہمارے پورے خاندان کے سرکا تاج ہیں۔

گلوکار راحت فتح علی خان نے نصرت فتح علی خان کی قبر پر حاضری دی تھی۔

گلوکار نے  نے نصرت فتح علی خان کے مقبرے کے تعمیراتی کام کا جائزہ بھی لیا تھا۔

اس حوالے سے راحت فتح علی خان نے میڈیا کو بتایا تھا کہ میں اور میرے خاندان کے لوگ خان صاحب کے مقبرے کو بنوا رہے ہیں۔

انہوں نے بتایا تھا کہ مقبرے کی تعمیر کے لیے چنیوٹ سے کاریگر بلوائے ہیں۔

راحت فتح علی نے کہا تھا کہ نصرت فتح علی خان ہمارے پورے خاندان کے سر کا تاج ہیں۔

دوسری جانب گلوکار نے کہا تھا  کہ حکومت کچھ کرنا چاہتی ہے تو نصرت فتح علی خان اکیڈمی کے لیےکرے۔

راحت فتح علی نے مزید کہا تھا کہ جس گھر میں نصرت فتح علی خان پیدا ہوئے،حکومت اس کے لیے بھی کچھ کرے۔

Adsense 300×250