Double Click 728 x 90
Double Click 970 x 250

امجد صابری کے بیٹے مجدد علی صابری کی ’بھر دو جھولی‘ مقبول


اریبہ نثارویب ایڈیٹر

04th May, 2021
Double Click 160 x 600

امجد صابری شہید کے بیٹے مجدد صابری بالکل اپنے والد کی طرح ٹیلنٹ اور خوبصورت آواز کے مالک ہیں اور وہ اپنی فیملی کی روایت کو برقرار رکھنے کی کوششوں میں دِکھائی دیتے ہیں۔

سوشل میڈٰیا پر مجدد علی صابری کی والد کا کلام پڑھتے ویڈیوز مقبول ہوگئیں۔

ویڈیو میں دیکھا جا سکتا ہے کہ امجد صابری شہید کے بیٹے والد جیسا کُرتا زیب تن کیے رمضان ٹرانسمیشن کا حصہ بنے۔

امجد صابری  کا معروف کلام ’بھر دو جھولی‘ پڑھا اور سب کو حیران کردیا۔

حرا مانی نے بھی مجدد کی ویڈیو کو شیئر کیا اور کہا کہ اس کلام نے انہیں جذباتی کردیا ہے۔

گزشتہ دنوں قبل سوشل میڈٰیا پر امجد صابری اور ان کے بیٹے کی ویڈیوز وائرل ہوئی تھی جس میں دونوں ہی اپنی اپنی آواز کا جادو جگا رہے ہیں۔

 عالمی شہرت یافتہ قوال امجد صابری کسی تعارف کے محتاج نہیں، سال 2016 میں اِنہیں کراچی میں ٹارگٹ کِلنگ کا نشانہ بنایا گیا تھا جس پر پورے پاکستان نے دکھ کا احساس کیا تھا۔

واضح رہے کہ کراچی میں 16 رمضان 22 جون 2016 کو دوپہر تقریباََ 4 بجے کے قریب قوال امجد صابری پر نامعلوم افراد نے فائرنگ کی تھی۔،امجد صابری کے سر پر گولیاں لگنے سے ان کی موت واقع ہوئی تھی۔

محبتیں بانٹنے والے خوبصورت انسان اور بہترین گائیک امجد صابری کو کراچی میں دہشت گردوں نے ہمیشہ کے لیے خاموش کر دیا، امجد صابری کے 5 بچے ہیں جن میں 3 بیٹے اور 2 بیٹیاں ہیں۔

خیال رہے کہ قوم کا فخر اور دُنیا بھر میں شہرت پانے والے نامور قوال امجد صابری تو انتقال کرگئے ہیں لیکن ان کی میراث ان کے بچوں کے ذریعے چلتی رہے گی اور اس ضمن میں ان کا بڑا بیٹا مجّدد صابری اپنے والد کے نقش قدم پر چلنے کے لیے تیار ہے۔

Double Click 300 x 250

تازہ ترین نیوز پڑہنے کے لیے ڈاؤن لوڈ کریں بول نیوزایپ