معروف ہسپانوی مصور پیبلو پکاسو کی پینٹنگ 10 کروڑ 34 لاکھ ڈالر ( 15 ارب 22 کروڑ پاکستانی روپے) میں نیویارک میں نیلام کردی گئی۔
خبر ایجنسی کی رپورٹ کے مطابق اس پینٹنگ کی قیمتِ خرید نے اس کی قیمت کےساڑھے 5 کروڑ ڈالر کے اندازے کو بھی پیچھے چھوڑ دیا۔
پکاسو کی اس پینٹنگ میں ایک عورت (میری تھریسے والٹر) کو کھڑکی کے قریب بییٹھے دیکھا جا سکتا ہے۔
کرسٹیز لندن کے ماڈرن آرٹ ڈپارٹمنٹ کی سربراہ کیتھ گل کا کہنا ہے کہ’یہ ایک آئیکونک تصویر ہے اور 2013 سے اسے نیلامی میں نہیں دیکھا گیا’۔
کیتھ گل نے کہا کہ میری تھریسے کے پورٹریٹ کو خاص طورپر 1932سے بہت زیادہ پذیرائی ملتی رہی ہے۔
کرسٹیز کے مطابق پیٹنگ کی نیلامی کیلئے لگائی جانے والی بولی کافی دیر تک جاری رہی جس کے بعد اس پینٹنگ کو کیلیفورنیا سے تعلق رکھنے والے شخص نے آن لائن شرکت کے دوران خریدا۔
یہ ہسپانوی مصور پکاسو کی پانچویں پینٹنگ ہے جسے 10 کروڑ ڈالر سے زائد رقم میں فروخت کیا گیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News