وزیراعلیٰ سندھ کا کہنا ہے کہ کل سے رات 8بجے کے بعد عوام کو شہر میں غیر ضروری گھومنے کی اجازت نہیں ہوگی۔
تفصیلات کے مطابق وزیراعلیٰ سندھ سید مراد علی شاہ کی زیرصدارت کورونا وائرس کے صوبائی ٹاسک فورس کا اجلاس ہوا ، جس میں اہم فیصلے کیے گئے۔
اجلا س میں فیصلہ کیا گیا کہ پولیس غیر ضروری گاڑیوں میں لوگوں کو گھومنے سے روکے، شہری صرف اسپتال اور ضروری کام کے لیے باہر نکل سکتے ہیں۔
اس حوالے سے آئی جی پولیس کوبھی ہدایت دے دی گئی ہے۔
اجلاس میں فیصلہ کیا گیا ہےکہ کاروبار کے اوقات کار صبح 5 بجے سے شام 6 بجے تک ہونگے۔
بیکری اور ملک شاپ رات 12 بجے تک کھلی رہینگی۔
ڈیپارٹمنٹل / سپر اسٹور شام 6 بجے تک کھلے رہینگے۔
جمعہ اور اتوار کے دن کاروبار مکمل بند رہے گا۔
وزیراعلیٰ سندھ نے کہا کہ وہ خود بھی سرپرائز وزٹ کرینگے اور خلاف ورزی کرنے والوں کے خلاف کارروائی کی جائے گی۔
انہوں نے کہاکہ اگر ہم نے دو ہفتہ لگائی گئی پابندیوں پر مکمل عمل کیا تو آگے آسانی ہوگی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News