Double Click 728 x 90
Double Click 970 x 250

سر سبز سندھ اور سر سبز پاکستان ہمارا خواب ہے، مرتضٰی وہاب


وریشہ مسعودویب ایڈیٹر

18th May, 2021
Double Click 160 x 600
مرتضیٰ وہاب

ترجمان سندھ حکومت مرتضٰی وہاب نے کہا ہے کہ سر سبز سندھ اور سر سبز پاکستان ہمارا خواب ہے۔

تفصیلات کے مطابق ترجمان سندھ حکومت و مشیر ماحولیات بیرسٹر مرتضٰی وہاب نے حالیہ گرمی کی شدید لہر سے متعلق اپنے بیان میں کہا کہ اس قیامت خیز گرمی کا علاج صرف اور صرف شجر کاری ہے۔

ترجمان سندھ حکومت نے کہا کہ کاش کئی سال پہلے ہم درخت لگاتے تو ہمیں اس گرمی کا سامنا نہیں کرنا پڑتا، گلوبل وارمنگ اور موسمیاتی تغیرات سے نمٹنا چاہتے ہیں تو فی الفور درخت لگائیں۔

مرتضٰی وہاب نے یہ بھی کہا کہ گرمی کی شدت سے بچنے کے لئے آج ہی سے درخت لگانا شروع کریں،  سرسبز کراچی ، سر سبز سندھ اور سر سبز پاکستان ہمارا خواب ہے۔

ترجمان سندھ حکومت کا کہنا تھا کہ عوام سے گزارش ہے کہ شجر کاری میں حکومت کا ساتھ دیں، حکومت شجر کاری کرتی ہے تو لوگ درخت توڑ دیتے ہیں۔

مرتضٰی وہاب کا یہ بھی کہنا تھا کہ درختوں کی حفاظت ہمارا قومی فریضہ ہے، ہمارے دین میں بھی درخت لگانے کو صدقہ جاریہ قرار دیا گیا ہے۔

ترجمان سندھ حکومت و مشیر ماحولیات بیرسٹر مرتضٰی وہاب کا مزید کہنا تھا کہ شجر کاری میں حکومت کے ساتھ ساتھ خود بھی درخت لگائیں، سندھ کی آبادی 5 کروڑ ہے اگر ہر فرد درخت لگائے تو سندھ سرسبز ہوجائے گا۔

Double Click 300 x 250

تازہ ترین نیوز پڑہنے کے لیے ڈاؤن لوڈ کریں بول نیوزایپ