ترجمان دفترخارجہ زاہد حفیظ نے کہا ہے کہ پاکستان نے ہمیشہ فلسطین کی حمایت کی ہے۔
تفصیلات کے مطابق ترجمان دفترخارجہ زاہد حفیظ نے پاکستان کے نمبر 1 نیوز چینل بول نیوز کے پروگرام ’’بس بہت ہوگیا ‘‘ میں گفتگو کرتے ہوئے کہا کہ اسرائیل کی طرف سے فلسطینیوں پر مظالم ڈھائے جا رہے ہیں۔
زاہد حفیظ نے کہا کہ اسرائیل کی طرف سے یہ یک طرفہ کارروائی ہے جسے فوری بند ہونا چاہئیے۔
انہوں نے یہ بھی کہا کہ یو این قرار دادوں کے مطابق مسئلہ فلسطین کا پر امن حل ہونا چاہئیے اور یو این جنرل اسمبلی کو مسئلہ فلسطین پر کردار ادا کرنا چاہئیے۔
ترجمان دفترخارجہ کا کہنا تھا کہ پاکستان ترکی ودیگر ممالک کے ساتھ مل کر مسئلہ فلسطین پر کام کر رہا ہے ،پاکستان مسئلہ فلسطین کو یو این جنرل اسمبلی میں لے کر جانا چاہتا ہے۔
انہوں نے کہا کہ پاکستان سمجھتا ہے کہ جنرل اسمبلی میں فلسطین پر کھل کر بات ہو سکتی ہے جبکہ پاکستان نے فلسطین کو ہر فورم پر سپورٹ کیا ہے۔
ترجمان کا کہنا تھا کہ یو این فلسطین سے متعلق جتنی قراردادیں آئی ہیں پاکستان نے سپورٹ کیا ہے۔
زاہد حفیظ نے کہا کہ فلسطین کے جو حالات ہیں اس پرعالمی برادری کومتحرک کیا جائے خاص طور پر او آئی سی اور اس کے ممبران کو متحرک کیا جائے۔
ترجمان دفترخارجہ نے یہ بھی کہا کہ مسئلہ فلسطین پر جتنی کوششیں ہو رہی ہیں، پاکستان فرنٹ لائن پر ہے۔
انہوں نے کہا کہ مسئلہ فلسطین پر او آئی سی اور اس کے ممبران کو کام کرنے کی ضرورت ہے۔
ترجمان دفترخارجہ زاہد حفیظ کا مزید کہنا تھا کہ انسانی حقوق کی پامالیوں پر پوری دنیا میں آواز اٹھ رہی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News