عمران عباس اور عروہ حسین کی ویڈیو کے سوشل میڈیا پر چرچے

اریبہ نثارویب ایڈیٹر

30th May, 2021. 09:24 pm

پاکستان شوبز انڈسٹری کے معروف اداکار عمران عباس اور اداکارہ عروہ حسین کی گانا گانے کی ویڈیو سوشل میڈیا پر وائرل ہو گئی ہے۔

عروہ حسین کی عمران عباس کے ہمراہ گانا گانے کی ویڈیو کو مداحوں کی جانب سے خوب پسند کیا جا رہا ہے۔

 

View this post on Instagram

 

A post shared by URWA HOCANE (@urwatistic)

اداکارہ عروہ حسین نے فوٹو اینڈ ویڈیو شیئرنگ ایپ انسٹاگرام پر ایک ویڈیو شیئر کی ہے  جس میں وہ عمران عباس کے ہمراہ سیڑھیوں پر بیٹھی ایک خوبصورت گانا گنگناتے ہوئی نظر آ رہی ہیں۔

عروہ نے انسٹاگرام پر پوسٹ کی جانے والی ویڈیو کے کیپشن میں لکھا کہ رات گئے شوٹنگ کے دوران ہم خود کا دل بہلا رہے ہیں۔

اداکارہ کی جانب سے پوسٹ کی جانے والی ویڈیو میں دیکھا جا سکتا ہے کہ عروہ حسین نے کریم رنگ کا عروسی لباس زیب تن کر رکھا ہے جبکہ عمران عباس گود میں شیروانی لیے بیٹھے ہیں۔

دونوں کو دیکھ کر اندازہ لگایا جا سکتا ہے کہ یہ دونوں فنکار کسی نئے پروجیکٹ میں ایک ساتھ کام کر رہے ہیں۔

عروہ حسین کی پوسٹ پر عمران عباس نے کمنٹ کیا کہ  وہ اس گانے کو بہت سنجیدگی سے ایک پیشہ ور گلوکار کی طرح گا رہے ہیں۔

اداکار عمران عباس نے مزید بتایا کہ اُنہوں نے یہ شوٹنگ کا وقت بہت انجوائے کیا ہے۔

Square Adsence 300X250