‏حکومتی ایم این اے اکرم چیمہ پر اپوزیشن کی جانب سے بوتل ماری گئی، فرخ حبیب

اسفا سروت

16th Jun, 2021. 08:21 pm

وزیر مملکت اطلاعات و نشریات فرخ حبیب نے اپنے ٹوئٹر پیغام میں کہا کہ حکومتی ایم این اے اکرم چیمہ پر اپوزیشن کی جانب سے بوتل ماری گئی۔

 تفصیلات کے مطابق وزیر مملکت اطلاعات و نشریات فرخ حبیب نے سماجی رابطے کی ویب سائٹ ٹوئٹر پر اپنے ایک پیغام میں کہا کہ وہ بوتل حکومتی ایم این اے کی آنکھ میں لگی، جس سے وہ زخمی ہوگئے۔

انہوں نے یہ بھی کہا کہ اپوزیشن ایوان میں شہباز شریف کی تقریر کے نام پر فزیکل حملوں پر اتر آئی ہے۔

‏ فرخ حبیب نے اپنے ٹوئٹر پیغام میں مزید یہ بھی کہا کہ پہلے حکومتی کمیٹی کیساتھ ضابطہ اخلاق طے کرنے سے انکار کیا، شہباز شریف اپنی تقریر بھی مکمل نہیں کر رہے۔

 انہوں نے مزید یہ بھی کہا کہ ن لیگی اراکین اسمبلی نے اپنے لیڈر کی تقریر سننے کے بجائے بوتلوں سے حملہ شروع کردیا۔

Adsense 300×250