پی ایس ایل6،ملتان سلطانز کی کراچی کنگز کو شکست

اریبہ نثارویب ایڈیٹر

10th Jun, 2021. 10:45 pm
کراچی کنگز

ابوظبی میں جاری پی ایس ایل 6 کے میچ میں ملتان سلطانز نے کراچی کنگز کو 12رنز سے شکست دے دی، جبکہ ملتان سلطانز کے روسو کو میچ کا بہترین کھلاڑی قرار دیا گیا۔

کراچی کنگز نے ٹاس جیت کر فیلڈنگ کرنے کا فیصلہ کیا تو ملتان سلطانز نے مقررہ 20اوور میں کراچی کنگز کو 177رنز کا ہدف دیا۔

ملتان سلطانز کے صہیف مقصود نے جارحانہ بلے بازی کرتے ہوئے محض14گیندوں پر31 رنز کی اننگ کھیلی۔

اس کے علاوہ کپتان محمد رضوان 29،شمرون 7اوررحمان اللہ 3 بناکر آؤٹ ہوئے۔

کراچی کنگز کی جانب سے تھیسارا پریرا نے 2، عماد وسیم اور وقاص مقصود نے ایک ایک وکٹ حاصل کی۔

کراچی کنگز ہدف کے تعاقب میں 7 کھلاڑیوں کے نقصان پر مقررہ اوورز میں 164رنز بناسکی۔

 بابر اعظم نے 63 گیندوں پر85 رنز کی اننگ کھیلی جبکہ کڈوک والٹن 35 ،مارٹن گپٹل  اور نجیب اللہ 11،11 رنز بناسکے۔

اس کے علاوہ  قاسم خان 10 ،اوپنرشرجیل خان 4 ،کپتان عماد وسیم اورتھیساراپر کوئی رن نہ بناسکے۔

ملتان سلطانز کے عمران خان نے 3  کھلاڑیوں کا شکار کیا،جبکہ کھلاڑی عمران طاہر نے 2 کھلاڑیوں کو آوٹ کیا۔

Adsense 300×250