آج پھر حکومتی ارکان نے گالیاں دی ہیں ، مریم اورنگزیب

مریم اقبال

16th Jun, 2021. 08:31 pm

مسلم لیگ ن کی ترجمان مریم اورنگزیب نے کہا کہ آج پھر حکومتی ارکان نے گالیاں دی ہیں۔

تفصیلات کے مطابق مسلم لیگ ن کی ترجمان مریم اورنگزیب نے اجلاس کے بعد صحافیوں سے گفتگو کرتے ہوئے کہا کہ سپیکر خود قومی اسمبلی کا اجلاس نہیں چلانا چاہتے ، پہلے اجلاس بلایا گیا اور پھر ملتوی کردیا گیا۔

انہوں نے کہا کہ یہ پارلیمنٹ پر حملہ کرنا چاہتے ہیں، یہ سپیکر کی کرسی پر حملہ کرنا چاہتے ہیں یہ نظام پر حملہ کرنا چاہتے ہیں۔

مسلم لیگ ن کی ترجمان نے کہا کہ یہ اس نیت سے آتے ہیں گالیاں دیں گے ، یہ اس نیت سے آتے ہیں کہ اجلاس نہیں چلے گا۔

مریم اورنگزیب نے کہا کہ یہ اس نیت سے آتے ہیں کہ حملہ کریں ، یہ اس نیت سے آتے ہیں پارلیمنٹ کو چلنے نہیں دیں گے۔

Adsense 300×250