پاکستان کی نمبر ون ٹک ٹاک اسٹارکنول آفتاب نے بھی جنت مرزا کے حق میں آواز بلند کر لی ہے۔

انسٹاگرام پر کنول آفتاب کی ایک ویڈیو گردش کر رہی ہے جس میں دیکھا جا سکتا ہے کہ ٹک ٹاک اسٹار کنول حال ہی میں جنت مرزا پر کی جانے والی تنقید پر بات کر رہی ہیں۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Pakistani Celebrities 🍃 (@pkcelebritiespage)

Advertisement

بشریٰ انصاری کی جانب سے کی جانے والی تنقید پر کنول آفتاب نے کہا کہ جنت مرزا  کے معافی مانگنے کے بعد اب لوگوں کو غیر مناسب باتیں نہیں کرنی چاہیں۔

 گزشتہ روز اُبھرتی ہوئی اداکارہ جنت مرزا نے بشریٰ انصاری کی نفرت انگیز پوسٹ پر ردِعمل دیا تھا۔

جنت مرزا نے انسٹاگرام اسٹوری میں جاری کیے گئے پیغام میں بشریٰ انصاری سے مخاطب ہوتے ہوئے لکھا تھا کہ آپ اس طرح کسی پر بھی تنقید نہیں کرسکتیں جبکہ آپ کا تعلق بھی شوبز سے ہے۔

ٹک ٹاک اسٹار نے لکھا تھا کہ آپ اسلام کے بارے میں کیسے بات کرسکتی ہیں جبکہ آپ کوئی تبلیغی جماعت نہیں چلا رہی۔

انہوں نے کہا تھا کہ آپ بھی ڈانس کرتی ہیں، اداکاری کرتی ہیں اور کئی ایوارڈ شوز میں ڈانس پرفارمنس بھی کی ہیں تو آپ آج دوسروں پر تنقید کیوں کررہی ہیں؟

اُنہوں نے لکھا کہ مجھے آج احساس ہوا آپ کے پاس دل نہیں ہے، بس اتنا کہوں گی دوسروں پر تنقید کرنے سے پہلے اپنے گریبان میں لازمی جھانکیں۔

دوسری جانب انہوں نے اپنے پیغام میں کہا تھا کہ کبھی کسی کو بددعا دینا اور کبھی لعنت، یہ اچھا اخلاق نہیں ہے۔

ٹک ٹاک اسٹار نے مزید لکھا تھا کہ امّاں جی! وقت نکال کر حقیقت جانیے اور پھر تنقید کیجیے، اللّہ آپ کو خوش رکھے۔

واضح رہے کہ گزشتہ دنوں جنت مرزا نے ایک پروموشن ویڈیو بنائی تھی جس میں اُنہوں نے ایک نجی برانڈ کا لباس زیب تن کیا تھا اور ایک چین پہنی تھی جس پر عیسائی مذہب کا نشان بنا ہوا تھا۔

جنت مرزا کی یہ ٹک ٹاک ویڈیو وائرل ہوئی تو عیسائی برادری کی جانب سے دعویٰ کیا گیا کہ ٹک ٹاک اسٹار نے اُن کے مذہب کی توہین کی ہے اور اُن کے خلاف مقدمہ درج کردیا گیا۔

بعد ازاں جنت مرزا نے اپنے خصوصی ویڈیو پیغام میں اپنے عیسائی دوستوں، ٹک ٹاکرز اور پوری برادری سے معافی مانگی جس کے بعد یہ معاملہ ختم ہوگیا۔

اب گزشتہ روز پاکستان شوبز انڈسٹری کی سینئر اداکارہ بشریٰ انصاری نے سوشل میڈیا سائٹ انسٹاگرام پر جنت مرزا کے خلاف نفرت انگیز پوسٹ شیئر کی تھی۔

بشریٰ انصاری نے پوسٹ میں لکھا کہ ان جاہل اسٹارز پر افسوس ہے جنہیں نہ اسلام کا علم ہے اور نہ دوسرے مذہب کا‘

بشریٰ انصاری نے کچھ دیر کے بعد یہ پوسٹ اپنے انسٹاگرام اکاؤنٹ سے ڈیلیٹ کردی تھی تاہم اداکارہ کی یہ پوسٹ سوشل میڈیا کے مختلف پیچز پر تیزی سے شیئر کی گئی۔