معاون خصوصی برائے اطلاعات ڈاکٹر فردوس عاشق اعوان نے کہا کہ بھگوڑے ہدایت کار لندن میں پولو میچ کے مزے لے رہے ہیں اورخاموش فلمسازرائے ونڈ میں بیٹھی ہیں۔
تفصیلات کے مطابق معاون خصوصی برائے اطلاعات ڈاکٹر فردوس عاشق اعوان نے کہا کہ (ن) لیگ سن لے کہ جعلی راجکماری کے بعد اب جعلی خادم اعلیٰ کی گھسی پٹی فلم بھی نہیں چلے گی۔
انہوں نے کہا کہ (ش) لیگ کا ٹولہ جعلی خادم اعلیٰ کے غبارے میں ہوا بھر رہا ہے ، جعلی خادم اعلیٰ اورپرچی شہزادے میں محبت کی پینگیں توڑ نہیں چڑھیں گی۔
معاون خصوصی برائے اطلاعات نے کہا کہ (ش) لیگ کو علم ہونا چاہیے کہ پرچی شہزادہ نے ہر ایک کی پیٹھ میں چھرا گھونپا ہے۔
ڈاکٹر فردوس عاشق اعوان نے کہا کہ پرچی شہزادہ پہلے ہی جعلی راجکماری اور مولانا کے ساتھ ہاتھ ملا چکا ہے اوراب جعلی خادم اعلیٰ کی باری ہے۔
انہوں نے مزید کہا کہ پرچی شہزادے اورجعلی خادم اعلیٰ کی”جعلی محبت“ کا انجام دنیا دیکھے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News