وزیر خزانہ شوکت ترین نے کہا ہے کہ ترجیحی بنیادوں پر شہریوں کو ویکسین کی فراہمی کیلئے کوشاں ہے۔
تفصیلات کے مطابق وزیر خزانہ شوکت ترین کی سربراہی میں کورونا ویکسین کی دستیابی سے متعلق خصوصی اجلاس ہوا جس میں وفاقی وزراء اسد عمر، عمر ایوب، معاون خصوصی ڈاکٹر فیصل سلطان نے شرکت کی۔
شوکت ترین نے کہا کہ دستیاب کریڈٹ لائن کے ذریعے ویکسین کی سپلائی یقینی بنائیں، فنانس ڈویژن ادائیگیوں کیلئے تمام ترتعاون یقینی بنائے گا۔
اجلاس میں وزیر اقتصادی امور نے ویکسین کیلئے دوست ممالک سے کریڈٹ لائن کیلئے رابطوں پر بریفنگ دی۔
اس موقع پر اسد عمر نے کہا کہ ویکسین کی بلاتعطل فراہمی کیلئے تمام اقدامات بروئے کار لائے جارہے ہیں۔
اسد عمر نے یہ بھی کہا کہ ویکسین کی پیشگی سپلائیز کیلئے فوری ادائیگیوں کا دباؤ بھی موجود ہے، ویکسین کی دستیابی یقینی بنانے کیلئے ہر ملک اقدامات کررہا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News