وزیر توانائی سندھ امتیاز شیخ نے کہا کہ سندھ سمیت پورے ملک میں لوڈشیڈنگ کا سلسلہ جاری ہے۔
تفصیلات کے مطابق وزیر توانائی سندھ امتیاز شیخ کا بجلی کے ترسیلی نظام اور لوڈشیڈنگ پر بیان میں کہا کہ وفاقی وزراء لوڈشیڈنگ کے معاملے پر غلط بیانی کررہے ہیں۔
انہوں نے یہ بھی کہا کہ نیپرا اجلاس میں ترسیلی نظام کی کمپنیوں کے سربراہان نے 15 گھنٹے کی لوڈشیڈنگ کا اعتراف کیا ہے، این ٹی ڈی سی کے سربراہ نے اعتراف کیا کہ سسٹم میں صرف 23 ہزار میگاواٹ بجلی موجود ہے۔
امتیاز شیخ نے مزید کہا کہ وفاقی حکومت 37 ہزار میگاواٹ پیداواری صلاحیت ہونے کا دعویٰ کررہی ہے، وفاق سے سوال ہے باقی بجلی کہا ہے ؟
وزیر توانائی سندھ کا کہنا ہے کہ ملیر، لانڈھی، لیاری، گلشن، گلستان جوہر، نارتھ کراچی دیگر مضافاتی علاقوں سمیت کلفٹن ڈیفنس جیسے علاقے بجلی سے محروم ہیں۔
انہوں نے مزید یہ بھی کہا کہ وفاقی حکومت توانائی مساٸل پر سندھ کی کاوشوں پر رکاوٹیں کھڑی کررہی ہے۔
وزیر توانائی سندھ امتیاز شیخ نے کہا کہ وفاق پر واضع کردیا ہے کہ ملک میں توانائی مساٸل کا حل صرف سندھ کے پاس ہے، جس صوبے کا سربراہ ملک کو توانائی بحران سے نکالنے کی صلاحیت رکھتا ہو اس پر بیجا تنقید سراسر زیادتی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News