پاکستان کی نمبر ون ٹک ٹاک اسٹار جنت مرزا ںے بتا دیا کہ وہ بچپن میں کیسے اداکاری کا شوق پورا کیا کرتی تھیں۔

ٹک ٹاک اسٹاراور نئی اُبھرتی ہوئی اداکارہ جنت مرزا نے کہا ہے کہ وہ بچپن میں واش روم میں جاکر شیشے کے سامنے کھڑے ہوکر اداکاری کا اپنا شوق پورا کرتی تھیں۔

حال ہی میں جنت مرزا نے ایک نجی چینل کو انٹرویو دیا جس کی ویڈیو تیزی سے سوشل میڈیا پر وائرل ہورہی ہے۔

وائرل ویڈیو میں دیکھا جا سکتا ہے کہ جنت مرزا بتا رہی ہیں کہ اُنہیں بچپن سے ہی اداکاری کا بہت شوق تھا اور وہ واش روم میں جاکر شیشے کے سامنے کھڑے ہوکر اداکاری کرتی تھیں۔

انہوں نے اداکاری کے حوالے سے بتایا کہ میں اداکاری کرتے ہوئے اپنے کردار میں اس قدر کھوجاتی تھی کہ اکثر رونے بھی لگ جاتی ہیں۔

ٹک ٹاک اسٹار نے انٹرویو میں بتایا کہ جیسے جیسے بڑی ہوئی اداکاری کا  شوق بھی بڑھنے لگا اور پھر پاکستان میں ٹک ٹاک ایپ آئی جس سے میرا یہ ٹیلنٹ سب کے سامنے آ گیا۔

جنت مرزا کا انٹرویو میں مزید کہنا تھا کہ وہ اپنی خوبصورتی کی وجہ سے نہیں بلکہ اپنے ٹیلنٹ کی وجہ سے مشہور ہوئی ہیں کیونکہ خوبصورت تو بہت سے لوگ ہوتے ہیں لیکن ٹیلنٹ ہر ایک میں نہیں ہوتا۔

اداکاری کے حوالے سے جنت مرزا نے کہا کہ خُدا کی طرف سے مجھے اداکاری کا ٹیلنٹ بطورِ تحفہ ملا ہے جبکہ خوبصورتی والدہ کی وجہ سے ملی کیونکہ میری والدہ پٹھان ہیں۔

دوسری جانب ٹک ٹاک سے کی جانے والی کمائی کے حوالے سے انہوں نے انٹرویو میں بتایا کہ ٹک ٹاک کی وجہ سے کافی کمائی بھی ہوتی ہے لیکن میں نے کبھی پیسوں کے لیے ٹک ٹاک ویڈیوز نہیں بنائیں۔

انہوں نے کہا کہ مجھے اداکاری کا شوق ہے اور اسی شوق کی وجہ سے ٹک ٹاک جوائن کی۔

ٹک ٹاک پر بنائی جانے والی خود کی ویڈیوز کے بارے میں جنت مرزا نے کہا کہ ٹک ٹاک پر میری اداکاری کو بہت پسند کیا گیا اور میں اب پاکستان کی نمبر ون ٹک ٹاک اسٹار بن گئی ہوں۔

واضح رہے کہ ویڈیو شیئرنگ ایپلیکیشن ٹک ٹاک پرسب سے زیادہ فالوورز شہر فیصل آباد سے تعلق رکھنے والی جنت مرزا کے ہیں۔

جنت مرزا پہلی پاکستانی ٹک ٹاک اسٹار ہیں جن کے ایک کروڑ 50 لاکھ فالوورز ہیں ساتھ ہی ملک کی نمبر ون ٹک ٹاک ماڈل ہونے کا اعزاز بھی جنت مرزا کے ہی نام ہے۔