امیر جماعت اسلامی سراج الحق نے کہا ہے کہ پی ٹی آئی نے سابقہ حکومتوں سے زیادہ قرضہ لیا۔
تفصیلات کے مطابق امیر جماعت اسلامی سراج الحق نے فیصل آباد میں میڈیا سے گفتگو کرتے ہوئے کہا کہ عمران خان نے وعدہ کیا تھا کہ وہ لوگوں کو گھر دیں گے لیکن موجودہ حکومت نے توعوام سے روٹی بھی چھین لی۔
امیر جماعت اسلامی نے کہا کہ حکمرانوں کو کوئی احساس نہیں ہے، عمران خان نے اعلان کیا تھا کہ وہ کشمیر کے سفیر بنیں گے لیکن اس حکومت نے کشمیر کاز سے غداری کی ہے۔
سراج الحق نے یہ بھی کہا کہ حکومت آئندہ الیکشن کے لیے ابھی سے دھاندلی کی کوشش کر رہی ہے۔
امیر جماعت اسلامی سراج الحق نے مزید کہا کہ جماعت اسلامی ایک حقیقی اپوزیشن کا کردار ادا کرے گی۔
واضح رہے اس سے قبل امیر جماعت اسلامی سراج الحق نے قومی اسمبلی میں آج حکومت اور اپوزیشن ارکان کی ہنگامہ آرائی پر تبصرہ کرتے ہوئے کہا تھا کہ اسمبلیاں اکھاڑہ اور جمہوریت مذاق بن گئی ہے۔
سراج الحق نے یہ بھی کہا تھا کہ آج قومی اسمبلی سے بدتہذیبی گھر گھر پہنچی ہے، حکومت اور اپوزیشن نے غیر ذمہ داری کی تمام حدیں پار کردیں۔
امیر جماعت اسلامی سراج الحق نے مطالبہ کیا تھا کہ کشمیریوں کی آزادی کے لیے نیشنل ایکشن پلان بنایا جائے، وزیراعظم عمران خان اقوام متحدہ میں کشمیر پر تقریر کے بعد سب کچھ بھول گئے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News