مسلم لیگ ن کے رہنما احسن اقبال نے کہا ہے کہ ملک کو ترقی اور دفاع کی یکساں ضرورت ہوتی ہے۔

مسلم لیگ ن کے رہنما احسن اقبال نے سماجی رابطے کی ویب سائٹ ٹویٹر پر اپنے ایک پیغام میں کہا کہ مسلم لیگ ن نے پاکستان کو تاریخی ترقیاتی اور دفاعی بجٹ دے کر ملک کو مظبوط بنیادیں دیں۔

ملک کو ترقی اور دفاع کی یکساں ضرورت ہوتی ہے-PMLN نے پاکستان کو تاریخی ترقیاتی اور دفاعی بجٹ دے کر ملک کو مظبوط بنیادیں دیں-مستحکم سیاست ہی مظبوط معیشت دیتی ہے اور مظبوط معیشت مظبوط دفاع کی ضامن ہے-PMLN سیاست میں فوج کی مداخلت کیخلاف ہے لیکن دفاع پاکستان کے تقاضوں سے غافل نہیں- https://t.co/RysZcAkfQn

— Ahsan Iqbal (@betterpakistan) June 12, 2021

اپنے پیغام میں احسن اقبال نے کہا کہ مستحکم سیاست ہی مظبوط معیشت دیتی ہے اور مظبوط معیشت مظبوط دفاع کی ضامن ہے۔

مسلم لیگ ن کے رہنما احسن اقبال نے مزید کہا کہ مسلم لیگ ن  سیاست میں فوج کی مداخلت کیخلاف ہے لیکن دفاع پاکستان کے تقاضوں سے غافل نہیں۔

واضح رہے اس سے قبل مسلم لیگ ن کے رہنما احسن اقبال نے پریس کانفرنس کرتے ہوئے کہا تھا کہ بجٹ تقریروں کی کوئی حیثیت نہیں،عوام بدترین مہنگائی اور بے روزگاری کا شکار ہے۔

انہوں نے کہا تھا کہ ووٹر لسٹ ایکشن کمیشن کی پراپرٹی ہے،حکومت نے آزاد اور منصفانہ الیکشن پر حملہ کیا۔

مسلم لیگ ن کے رہنما نے کہا تھا کہ حکومت کو 20 سے 25 فیصد تنخواہوں میں اضافہ کرنا چاہیے تھا۔ سرکاری ملازمین نے کل احتجاج کیا اسکی حمایت کرتے ہیں۔

احسن اقبال کا کہنا تھا کہ 3 حکومت کے پاس ترقیاتی پلان نہیں ہے، 3 سال میں افراط زر کو آسمان پر پہنچا دیا گیا ہے۔

مسلم لیگ ن کے رہنما احسن اقبال کا مزید کہنا تھا کہ اوورسیز پاکستانی ہمارا اثاثہ ہیں۔اپوزیشن اوورسیز پاکستانیوں کے ووٹ کی مخالف نہیں۔