گرمی کے موسم میں گھر کے بنے ہوئے تازے اور صاف کھانوں کو ترجیح دینی چاہئیے اور تلی ہوئی بہار کی چیزوں سے پرہیز کرنا چاہئیے۔

غذائی ماہرین کی جانب سے گرمیوں میں تازہ اور سادہ غذا کا استعمال تجویز کیا جاتا ہے۔

طبی ماہرین کے مطابق گرمیوں میں پھلوں اور سبزیوں کا استعمال بڑھا دیں جن میں سیب، آڑو، تربوز اور کھیرا وغیرہ شامل ہیں جبکہ کھٹی غذاؤں سے دور رہیں جو کہ تیزابیت کو بڑھا کر معدے کی گرمی میں اضافہ کرسکتی ہیں۔

ماہرین کا کہنا ہے کہ گرمی کے موسم میں زیادہ سے زیادہ ٹھنڈی غذاؤں کو ترجیح دیں ، دہی معدے کی صحت کے لئے فائدے مند بیکٹریاز کی مقدار بڑھانے میں مدد دیتی ہے، دہی کےاستعمال سے معدے کی گرمی میں کمی آتی ہے اور گرمیوں میں نکلنے والے دانوں سے چھٹکارہ حاصل  ہونے میں مدد ملتی ہے ۔

اس کے علاوہ ٹھنڈا دودھ بھی معدے کے درجہ حرارت اور تیزابیت کو کم کرنے میں مددگار ہے، ٹھنڈے دودھ کا گلاس رات کو پرسکون نیند سونے میں مدد فراہم کرتا ہے۔

معدے میں گرمی کی اکثر علامات سامنے نہیں آتیں مگر بے آرامی، بھوک نہ لگنا، خالی پیٹ قے محسوس ہونا اور چکر آنا معدے کی گرمی کے اسباب ہوسکتے ہیں لہٰذا ایسی علامات سامنے آنے پر ابلے ہوئے سفید چاول بھی معدے کو ٹھنڈک پہنچا سکتے ہیں، پودینہ بھی معدے کی گرمی دور کرنے میں مدد دے سکتا ہے ۔پودینے کو بطور سلاد، مشروب میں شامل کر کے یا چٹنی بنا کر کھانے سے غذا جلد ہضم ہوتی ہے۔

ماہرین کے مطابق گرمی کی شدت کو کم کرنے کے لئے ایک گلاس پانی میں 2 سے 3 چائے کے چمچ سیب کا سرکہ اور ایک کھانے کا چمچ شہد مکس کر کے پی لیں یہ مشروب معدے ، سینے اور تیذابیت کا احساس کم کر کے گرمی کی شد میں کمی لاتا ہے۔